27 Ua latou fai atu i le laau, ‘O oe o loʻu tamā,’+ ma le maa, ‘O oe na e fanaua aʻu.’ A ua ū mai o latou tuāua iā te aʻu, ae e lē o o latou mata.+ Ma i le taimi o o latou puapuaga, e latou te faapea mai ai, ‘Inā tulaʻi ia ma faaola iā i matou!’+

16 Ona ia ave lea o aʻu i le lotoā pito i totonu o le fale o Ieova,+ tagaʻi foʻi! i le mea e ulu atu ai o le malumalu o Ieova, i le va o le faapaologa ma le fata faitaulaga,+ ua iai ni tamāloloa pe ā ma le toʻalua sefulu lima,+ ua ū o latou tua i le malumalu o Ieova,+ ae e faasaga o latou mata i le itu i sasaʻe ma ua latou ifo atu i le lā i le itu i sasaʻe.+