Lomiga Faale-Tusi Paia I LE INITANETI

Lomiga Faale-Tusi Paia I LE INITANETI

Lomiga Faale-Tusi Paia

Salamo 139:12

O le Tusi Paia—O le Faaliliuga a le Lalolagi Fou
- 12 E oo foʻi i le pōuliuli e lē pogisa lava mo oe,+
  Ae e susulu le pō e pei o le ao;+
  E pei lava foʻi le pōuliuli o le malamalama.+

Isaia 29:15

O le Tusi Paia—O le Faaliliuga a le Lalolagi Fou
- 15 Oi talofa iā i latou ua taumafai malosi e natia a latou fuafuaga mai iā Ieova,+ ma ē foʻi ua faia a latou gaoioiga i le mea pogisa,+ a ua latou faapea ane: “O ai o loo vaai mai iā i tatou, ma o ai e iloa mai i tatou?”+

Ieremia 23:24

O le Tusi Paia—O le Faaliliuga a le Lalolagi Fou
- 24 “Pe e mafai ea ona lafi se tagata i nofoaga lilo, ae ou te lē iloa o ia?”+ ua fetalai mai ai Ieova.
  
  “E lē ua tumu ea le lagi ma le lalolagi iā te aʻu?”+ ua fetalai mai ai Ieova.

Amosa 9:3

O le Tusi Paia—O le Faaliliuga a le Lalolagi Fou
- 3 Afai latou te lalafi i le tumutumu o Karamelu, ou te matuā suʻesuʻe i lea mea ma maua ai i latou.+ Afai foʻi latou te lalafi mai i oʻu luma i le ilititai o le sami,+ ou te faatonuina le gata i lea mea ona ūina ai lea o i latou e ia.

Eperu 4:13

O le Tusi Paia—O le Faaliliuga a le Lalolagi Fou
- 13 E leai foʻi se foafoaga e lilo i lana silafaga,+ ae e taatitia fua mai mea uma, ma ua matuā faaalia mea uma i luma o lana silafaga, o lē e ao ona tatou tali atu i ai.+