12 Ieova e, ia e faaola mai iā te aʻu,+ auā ua uma tagata faamaoni;+

Auā ua mou atu tagata faamaoni mai i le fanau a tagata.

 2 Ua latou tautatala pea o le tasi i le isi i mea e lē moni;+

Ua latou tautatala pea foʻi ma laugutu molemole+ ma le faalotolotolua.+

 3 E vavaeese e Ieova laugutu molemole uma,

Ma laulaufaiva e tautatala i mea faasausili,+

 4 O ē ua faapea mai: “O o tatou laulaufaiva e tatou te mālō ai.+

O loo iā i tatou o tatou laugutu. O ai sē e pule mai iā i tatou?”

 5 “Ona o le faileagaina o ē ua mafatia, ma ona o le mapuitigā foʻi o ē ua matitiva,+

O le a ou tulaʻi ai nei,” ua fetalai mai ai Ieova.+

“Ou te tuu o ia i le mea e saogalemu ai mai i so o se tasi e ʻataʻata faatauemu iā te ia.”+

 6 O afioga a Ieova o afioga e mamā ia,+

E pei o le siliva ua faamamāina i le ogaumu i le eleele, e faafitu ona faamamāina.

 7 O oe Ieova e, e te leoleoina i latou;+

E te faasaoina tagata taʻitoʻatasi mai i lenei tupulaga e oo i le faavavau.

 8 Ua feoaʻi solo tagata amioleaga,

Auā ua faasilisili e le fanau a tagata le amioleaga.+