45 Ua puna mai i loʻu loto mea lelei.+

Ua ou faapea ifo: “O aʻu galuega e faatatau i se tupu.”+

Ia avea loʻu laulaufaiva ma peni+ a le tusiupu tomai.+

 2 Ua sili atu lou aulelei nai lo o le fanau a tagata.+

Ua masaa ifo i ou laugutu upu alofa.+

O le mea lea ua faamanuia ai le Atua iā te oe i aso uma lava.+

 3 O oe na le tagata malosi,+ inā fusi ia o lau pelu+ i lou ogāvae,

Faatasi ma lou mamalu ma lou matagofie.+

 4 O lou matagofie e te alu atu ai ma le manuia;+

Inā tiʻetiʻe ia i le ala o le upu moni ma le lotomaulalo ma le amiotonu,+

E faatonu foʻi oe e lou aao taumatau i mea mataʻutia.+

 5 E maamaʻai au aū fanafana, e paʻuʻū ai tagata iā te oe;+

E tuia ai loto o fili o le tupu.+

 6 O le Atua o lou nofoālii lea i aso uma lava, e oo i le faavavau;+

O le tootoo o lou malo, o le tootoo o le amiotonu lea.+

 7 Ua e fiafia i le amiotonu+ a ua e ʻinoʻino i le amioleaga.+

O le mea lea ua faauu+ ai oe e le Atua, o lou lava Atua+ i le suāuu o le olioli+ e sili atu i lo o isi tupu.*+

 8 O ou laʻei uma lava ua manogi e pei o le muro, o le aloe,* ma le kesia;*+

Ua faafiafiaina foʻi oe i meafaifaaili e iai uaua mai i le maota matagofie ua teuteuina i nifo elefane.+

 9 O loo iai afafine+ o tupu i ou fafine faapelepeleina.

O loo tū foʻi le masiofo+ i lou itu taumatau ua ofu i le auro o Ofeira.+

10 Loʻu afafine e, inā faalogo mai ia ma vaai ma uaʻi mai ou taliga;

Ma ia faagalo lou nuu ma le aiga o lou tamā.+

11 Ona naunau ai lea o le tupu i lou lalelei,+

Auā o ia o lou alii,+

O lea, ia e ifo atu iā te ia.+

12 O loo iai foʻi le tama fafine a Turo ma se meaalofa+—

E saʻilia e ē mauʻoa o lou nuu lou finagalo malie.+

13 Ua faamamaluina le afafine o le tupu i totonu o le fale;+

Ua teuteuina lona ofu i auro.

14 E tuuina atu o ia i le tupu i ofu ua lalagaina lelei.+

E tuuina atu foʻi iā te oe o taupou o loo mulimuli atu iā te ia, o ana aumea ia.+

15 E tuuina atu i latou ma le fiafia ma le olioli;

E latou te ulu atu foʻi i le maota o le tupu.

16 O le mea foʻi na iai ou augātamā+ o le a suia e ou atalii,+

O ē o le a e tofiaina e fai ma perenise i le lalolagi atoa.+

17 Ou te taʻutaʻu atu lou suafa i augātupulaga uma o loo fāi mai.+

O le mea lea e faaneenee atu ai tagata iā te oe i aso uma e oo i le faavavau.

60 Le Atua e, na e lafoaʻiina i matou, na e lepetia i matou,+

Na e toʻatamaʻi iā i matou. A ia e toe faafoʻisia i matou.+

 2 Ua e lūlūina le laueleele, ua e faamavaevaeina foʻi.+

Ia e faaleleia mea ua mavetevete, auā ua maluelue.+

 3 Ua e faavaai lou nuu i puapuaga.+

Ua e faainu foʻi i matou i uaina e tautevateva ai.+

 4 Ua e tuuina mai se faailoga i ē e matataʻu iā te oe+

Ina ia sosola ma ʻaloʻalo solo ona o le ʻaufana. Selā.

 5 Ina ia laveaʻiina ai o ē e pele iā te oe,+

Ia e faaola mai i lou aao taumatau ma ia e tali mai iā i matou.+

 6 Ua fetalai mai le Atua i lona uiga paia:+

“Ou te fiafia lava aʻu, ou te tuuina atu Sekema e fai ma tofi;+

Ma ou te fuaina atu foʻi le fanua laugatasi o Sukota.+

 7 O aʻu e ona Kiliata, ma o aʻu e ona Manase,+

O Efaraima foʻi o le malosi o loʻu taʻitaʻi;

O Iuta o le tootoo lea o loʻu alii.+

 8 O Moapi o le tanoa lea e fufulu ai oʻu lima ma oʻu vae.+

Ou te lafoina atu oʻu seevae iā Etoma.+

Ou te alaga atu i le manumalo iā Filisitia.+

 9 O ai e na te avatua aʻu i le aai o loo siʻosiʻomia?+

O ai foʻi e na te taʻitaʻi atu aʻu e oo lava i Etoma?+

10 Le Atua e, pe e lē o oe ea, o lē na lafoaʻiina i matou+

Ma ua e lē afio atu le Atua e, faatasi ma a matou ʻautau?+

11 Ia e fesoasoani mai i lo matou puapuaga,+

Auā e lē aogā le faaolataga mai i tagata.+

12 O le Atua e matou te maua ai le malosi,+

Ma o ia lava e na te solia i lalo o matou fili.+