15 “‘Aua tou te faia faamasinoga lē tonu. Aua e te faaʻauʻau+ atu i lē ua faatauvaa, ma aua e te faasili le tagata mauʻoa.+ E ao ona e faamasino ma le tonu lou tuaoi.
17 Aua tou te faaʻauʻau i a outou faamasinoga.+ E ao ona outou faalogo i lē e faatauvaa e pei ona outou faalogo i lē e aloaʻia.+ Aua tou te fefefe i tagata+ auā o le Atua e ona le faaiʻuga;+ o se mataupu e faigatā tele mo outou, ia outou tuu mai iā te aʻu ou te faalogo atu i ai.’+
19 Aua e te faia se faamasinoga faapiʻopiʻo.+ Aua e te faaʻauʻau,+ pe talia ni foaʻi e faia i se faiga faaalatua, auā e faatauasoina ai mata o ē e atamamai+ ma mimilo sesē ai upu a ē e amiotonu.
7 O lenei, ia oo iā te outou+ le mataʻu iā Ieova.+ Ia outou gaoioi ma le faaeteete,+ auā e leai se amiolētonu+ iā Ieova lo tatou Atua, po o se faailoga tagata,+ po o ni faiga faaalatua.”+
21 Ou te matuā fai atu iā te outou i luma o le Atua ma Keriso Iesu,+ ma agelu ua filifilia, ina ia tausi i nei mea e aunoa ma le muaʻi faia o se faaiʻuga, ia aua foʻi le faaʻauʻau.+
17 I le ma lea, afai e tou te valaau i le Tamā, o lē e na te faamasino ma le lē faailoga tagata+ e tusa ma galuega a tagata taʻitoʻatasi, ia outou matataʻu+ i le taimi lea a o aumau outou o ni tagata ese.+