27 O le taulaga a ē e amioleaga o se mea lea e inosia.+ E sili atu la ona inosia pe a aumaia e se tasi e amio matagā.+

11 Ua fetalai mai Ieova: “O le ā le aogā iā te aʻu o le tele o a outou taulaga? Ua ou fiu i taulaga mū*+ o tamaʻi mamoe poʻa+ ma le gaʻo o manu pepeti;+ ou te lē fiafia+ i le toto+ o tamaʻi povi poʻa, ma tamaʻi mamoe poʻa, ma ʻoti poʻa.+

3 “O lē ua fasia le povi poʻa, ua pei o lē ua fasiotia se tamāloa.+ O lē e faia taulaga i le mamoe, ua pei o lē ua gausia le ua o le taʻifau.+ O lē e ofoina atu se meaalofa, ua pei o lē e ofoina atu le toto o le puaa!+ O lē e ofoina atu se faamanatuga o lipano,+ ua pei o lē e fai atu se faamanuiaga i ni upu faataulāitu.+ O i latou foʻi ia ua latou filifilia o latou lava ala, ma ua fiafia o latou lava loto i a latou mea inosia.+

20 “Aiseā ua e aumaia ai iā te aʻu le lipano mai i Seepa,+ ma le tolo suamalie mai i le nuu mamao? Ou te lē fiafia i a outou taulaga mū,+ ma e lē faamalieina foʻi aʻu i a outou taulaga.”+

23 “Oi talofa iā te outou le ʻautusiupu ma le ʻau Faresaio, tagata faafiaamiotonu! auā ua outou avatu mea e sefuluaʻi+ o le mili, o le aneto, ma le kumina,* peitaʻi ua outou manatu māmā i mataupu matuā tāua o le Tulafono, e pei o le faia o mea tonu,+ o le alofa mutimutivale,+ ma le faamaoni.+ E ao ona outou tausia mea muamua, ae aua neʻi manatu māmā i mea mulimuli.