5 o i latou foʻi ua faapea ane, ‘Ia e nofo pea i inā. Aua e te faalatalata mai iā te aʻu, auā afai e te faia faapea e oo atu loʻu paia iā te oe.’+ O le asu i oʻu pogaʻiisu ia tagata,+ o se afi e mumū i le aso atoa.+

6 “Ia faaeteete, ia aua neʻi faaalialia la outou amiotonu+ i luma o tagata ina ia iloa ai e i latou; auā pe a faia faapea, e leai so outou taui mai lo outou Tamā o i le lagi.

2 Ina ua iloa e le ʻau Faresaio lenei mea, ona latou fai mai lea iā te ia:+ “Faauta! Ua faia e ou soo le mea e sā i le sapati.”+

23 “Oi talofa iā te outou le ʻautusiupu ma le ʻau Faresaio, tagata faafiaamiotonu! auā ua outou avatu mea e sefuluaʻi+ o le mili, o le aneto, ma le kumina,* peitaʻi ua outou manatu māmā i mataupu matuā tāua o le Tulafono, e pei o le faia o mea tonu,+ o le alofa mutimutivale,+ ma le faamaoni.+ E ao ona outou tausia mea muamua, ae aua neʻi manatu māmā i mea mulimuli.

9 A ua ia fetalai atu foʻi i lenei talafaatusa i nisi o ē ua faatuatua iā i latou lava, o ni tagata faafiaamiotonu,+ o ē ua vaai maulalo i isi:+

3 ona o lo latou lē iloaina o le amiotonu a le Atua+ a ua latou saʻili e faatū la latou lava amiotonu,+ ua latou lē gauaʻi ai i le amiotonu a le Atua.+

10 Ae aiseā e te faamasinosino ai fua i lou uso?+ Pe aiseā foʻi e te manatu faatauvaa ai i lou uso? Auā tatou te tutū uma lava i luma o le nofoa faamasino+ o le Atua;

23 O le mea moni, o mea lava na ua faaalia e se tagata e tapuaʻi e tusa ma ona lava manatu, ma le faatagā lotomaulalo, ua faaleaga ai le tino+ ma e foliga mai o ni gaoioiga atamai ia, ae e lē aogā na mea i le taofiofia o tuʻinanauga o le tino.+