18 Ae e te ʻai ai i luma o Ieova lou Atua, i le nofoaga o le a filifilia e Ieova lou Atua,+ o oe ma lou atalii ma lou afafine, o lau tane pologa, o lau teine pologa ma le sa Levī o loo i totonu o ou aai; ma e ao ona e fiafia+ i luma o Ieova lou Atua i mea uma e te faia.

6 O ai foʻi se tamāloa na ia totōina lona tovine ae na te leʻi seleseleina? Ia tuu atu o ia e toe foʻi i lona fale, neʻi oti o ia i le taua ae selesele e se isi tamāloa lona togāvine.+

22 Ua oo ina ou iloa e leai se mea e sili atu i lo o le olioli o le tagata i lana galuega,+ auā o lona taui lea; auā o ai o le a toe aumaia o ia e vaavaai i mea o le a tutupu pe a mavae atu o ia?+

18 Faauta! O le mea sili ua ou vaai i ai lea e matagofie, e ao i se tasi ona ʻai ma inu, ma vaai i mea lelei o ana galuega mamafa uma+ ua ia galue mamafa ai i lalo o le lā, i aso uma o lona olaga, ia ua tuuina mai e le Atua moni iā te ia, o lona taui lea.

15 Ua ou viia le olioli+ auā e leai se isi mea e sili atu i lalo o le lā mo tagata ona fai, nai lo o le aai ma feinu ma olioli, ma e ao ona iai pea lea mea i a latou galuega mamafa i aso uma o o latou olaga,+ ia ua tuuina mai e le Atua moni iā i latou i lalo o le lā.+

17 ae o le mea moni, na ia saunia se molimau i mea lelei+ na ia faia, auā na ia foaʻi mai le timu+ mai i le lagi ma fuata o le tau, na foaʻi mai foʻi le anoanoaʻi o meaʻai ma ua tutumu ai o outou loto i le olioli.”+