19 Aua e te faia se faamasinoga faapiʻopiʻo.+ Aua e te faaʻauʻau,+ pe talia ni foaʻi e faia i se faiga faaalatua, auā e faatauasoina ai mata o ē e atamamai+ ma mimilo sesē ai upu a ē e amiotonu.

3 O aʻu lenei. Ia outou tali mai iā te aʻu i luma o Ieova ma luma o lē na ia faauuina:+ Pe na iai se isi na ou aveina sana povi, pe na iai se isi na ou aveina sana asini,+ pe na iai se isi na ou faasesēina, pe na iai se isi na ou tuʻimomomoina, pe na iai foʻi se isi na ou taliaina mai ai tupe faaalatua, lea na ou lē amanaʻia ai le mea na ia faia?+ Ou te toe faafoʻi atu lava iā te outou.”+