2 Nofoaiga a Tupu

23 I le tausaga lona fitu, na lototele ai Ioiata+ ma ia ave alii o le taʻitoʻaselau,+ o Asaraia le atalii o Ieroama, o Isamaeli le atalii o Iokana, o Asaraia le atalii o Opeta, o Maaseia le atalii o Ataia, ma Elisafata le atalii o Sekari, ua ia osia se feagaiga ma i latou. 2 Mulimuli ane, ua latou ō atu faataamilo i Iuta ma faapotopoto faatasi le ʻau sa Levī+ mai i aai uma o Iuta, ma matai+ o aiga o o latou tamā+ o Isaraelu. Ua latou ō mai i Ierusalema. 3 Ona osi ai lea e le faapotopotoga uma o se feagaiga+ ma le tupu i le fale+ o le Atua moni, ona ia faapea atu lea iā i latou:

“Faauta! O le a pule+ le atalii+ o le tupu, e pei ona folafola mai e Ieova e faatatau i atalii o Tavita.+ 4 O le mea lenei e tou te faia: o le tasi vaetolu o outou o ē e ō mai i le sapati,+ o ositaulaga+ ma sa Levī,+ e fai ma leoleo faitotoʻa;+ 5 o le tasi vaetolu e iai i le fale o le tupu;+ ma le isi tasi vaetolu e iai i le Faitotoʻa ua taʻua o le Faavae;+ a o le nuu uma o le a iai i lotoā+ o le fale o Ieova. 6 Aua neʻi outou faataga se tasi e ulu atu i le fale o Ieova,+ seʻi vaganā ai ositaulaga ma ē o loo auauna+ o le ʻau sa Levī. O i latou na e ulufale atu, auā o i latou o se vaega paia,+ ma e tausi foʻi e le nuu uma la latou matafaioi iā Ieova. 7 Ia siʻosiʻomia e le ʻau sa Levī le tupu,+ e tofu le tagata ma lana auupega i lona lima; o so o se tasi e sau i totonu o le fale, e fasiotia lava o ia. Ia outou faatasi pea ma le tupu, i lona ulufafo atu ma lona ulufale mai.”

8 Ua faia e sa Levī ma Iuta uma o mea uma na poloaʻi+ atu ai Ioiata+ le ositaulaga. Ua latou taʻitasi ma ave i ona tagata o ē na ulufale mai i le sapati, faatasi ma i latou na ulufafo atu i le sapati,+ auā e leʻi tuua e Ioiata le ositaulaga, o vaega+ e ō ese mai i o latou tiute. 9 Ua avatu foʻi e Ioiata le ositaulaga i alii o le taʻitoʻaselau,+ o tao, o talita ma talita lapotopoto+ a le Tupu o Tavita+ na i le fale o le Atua+ moni. 10 Ua ia tofia foʻi le nuu+ uma ina ia tutū e taʻitasi ma lana auupega i lona lima, e mai i le itu taumatau o le fale e oo atu i le itu tauagavale o le fale, i tafatafa ane o le fata faitaulaga ma le fale, e siʻosiʻomia ai e latalata i le tupu. 11 Ona latou aumaia lea o le atalii o le tupu+ ma faaee iā te ia le palealii+ ma le Tusi o le Tulafono,+ ma ua latou faia o ia ma tupu, ona faauuina+ lea o ia e Ioiata ma ona atalii, ua faapea atu: “Ia soifua le tupu!”+

12 Ina ua faalogo Atalia i le leo o le fetaufetuliaʻi ma le vivii atu o le nuu i le tupu,+ ona sau ai lea o ia i le nuu i le fale o Ieova. 13 Ua ia vaai mai o loo tū le tupu i tafatafa o lona poutū+ i le mea e ulufale ai, faatasi ai ma alii sili+ ma ē e ili pū+ o loo tutū i tafatafa o le tupu, ma o loo fiafia+ tagata uma o le nuu ma ili+ a latou pū, o loo olioli foʻi tagata pepese+ ma i latou o loo taʻitaʻia le ofoina atu o viiga. Ona saeia loa lea e Atalia o ona ofu, ua faapea atu: “O le fouvalega! O le fouvalega!”+ 14 A ua aumaia i fafo e Ioiata le ositaulaga o alii o le taʻitoʻaselau, o ē ua tofia o le ʻautau, ua faapea atu iā i latou: “Inā ave ia o ia i fafo mai i le laina a fitafita;+ ma o so o se tasi foʻi e mulimuli atu iā te ia, ia fasiotia o ia i le pelu!” Auā ua faapea atu le ositaulaga: “Aua neʻi outou fasiotia o ia i le fale o Ieova.” 15 Ua latou puʻe o ia. Ina ua aumai o ia i le ala e ui mai ai i le faitotoʻa o solofanua i le fale o le tupu, ona latou fasiotia loa lea o ia i inā.+

16 Ona faia lea e Ioiata le feagaiga i le va o ia, o le nuu uma, ma le tupu ina ia avea ai pea i latou ma nuu+ o Ieova. 17 Mulimuli ane, ua ō atu le nuu uma i le fale o Paala ma talepe i lalo;+ ua latou lepeti+ foʻi ana fata faitaulaga+ ma ana faatusa, ma ua latou fasiotia+ i luma o fata faitaulaga ia Matana+ le ositaulaga a Paala. 18 Ua tuuina atu foʻi e Ioiata tofiga o le fale o Ieova e faia e ositaulaga ma sa Levī, o ē na tofia e Tavita+ i vaega e vaavaaia le fale o Ieova, e ofo atu taulaga mū iā Ieova e tusa ma mea ua tusia i le tulafono a Mose,+ ma le olioli ma pese na faatonutonuina e Tavita. 19 Ona ia tofia lea o leoleo faitotoʻa+ i faitotoʻa+ o le fale o Ieova, ina neʻi ulufale atu se tasi e lē mamā. 20 Ona ia ave lea o taʻitaʻi o le taʻitoʻaselau,+ o alii, o pule o le nuu, ma tagata uma o le nuu, ua latou ave ifo le tupu mai i le fale o Ieova.+ Ua latou ui atu i le faitotoʻa i luga i le fale o le tupu, ma faanofo le tupu i le nofoālii+ o le malo. 21 Ua olioli+ pea tagata uma o le nuu; ua filemu foʻi le aai, ma ua latou fasiotia Atalia i le pelu.+