15 Ua auina mai pea lava pea e Ieova le Atua o o latou augātamā, o lapataʻiga iā i latou e ala i ana avefeʻau,+ auā ua alofa mutimutivale o ia i lona nuu,+ atoa foʻi ma lona afioaga.+

13 A o lenei, ona ua outou faia pea o nei galuega uma,’ ua fetalai mai ai Ieova, ‘ma na ou tautala atu pea iā te outou, na ou alapō ma tautala atu,+ ae e tou te leʻi faalogo mai lava,+ na ou valaau atu pea foʻi iā te outou, ae e tou te leʻi tali mai,+

7 Auā na ou matuā apoapoaʻi atu i o outou augātamā i le aso na ou ave aʻe ai i latou mai i le nuu o Aikupito+ ma e oo mai lava i lenei aso, ou te alapō ma apoapoaʻi atu, e faapea: “Ia outou faalogo mai i loʻu leo.”+

10 O lenei nuu leaga o ē ua mumusu e usiusitaʻi i aʻu upu,+ o ē ua savavali i le maaa o o latou loto,+ ma o ē ua mulimuli atu pea i isi atua ina ia o latou auauna atu i ai ma ifo atu i ai,+ e avea foʻi e pei o lenei fusipaʻu ua leai se mea e aogā i ai.’

12 A ua sili atu ona leaga mea ua outou faia nai lo o o outou tamā,+ ma ua taʻitasi outou ma savavali i le maaa o lona lotoleaga,+ i le lē usiusitaʻi mai iā te aʻu.+