14 Ona fetalai mai lea o Ieova iā te aʻu: “Ua vavalo perofeta i mea pepelo i loʻu igoa.+ Ou te leʻi aauina atu i latou, ou te leʻi poloaʻi atu iā i latou pe tautala atu foʻi iā i latou.+ A ua latou tautatala faavaloaga atu iā te outou i le faaaliga pepelo, o le valovaloga, o le mea e lē aogā,+ ma le faaʻoleʻole o o latou loto.+

21 “Ou te leʻi aauina atu na perofeta, a ua latou taufetuli. Ou te leʻi tautala atu foʻi iā i latou, a ua latou faia valoaga.+

15 Ona fai atu lea o le perofeta o Ieremia i le perofeta o Hanania:+ “Hanania e, inā faalogo mai ia faamolemole! E leʻi auina mai oe e Ieova, a o oe lava ua e faatupuina i lenei nuu le faatuatua i upu pepelo.+

8 Auā o le mea lenei ua fetalai mai ai Ieova o ʻau, o le Atua o Isaraelu: “Aua neʻi faasesēina outou e o outou perofeta o ē ua iā te outou, ma ē e faia valovaloga faataulāitu ua iā te outou,+ aua foʻi neʻi outou faalogo atu i a latou miti ua latou miti ai.+

6 “Ua latou vaaia se faaaliga i se mea pepelo ma e pepelo foʻi a latou valovaloga,+ o ē ua faapea mai, ‘O le fetalaiga lenei a Ieova,’ ae e leʻi aauina mai i latou e Ieova, ma ua latou faatalitali foʻi ina ia taunuu ia upu.+