Lomiga Faale-Tusi Paia I LE INITANETI

Ieremia 14:14

O le Tusi Paia—O le Faaliliuga a le Lalolagi Fou
- 14 Ona fetalai mai lea o Ieova iā te aʻu: “Ua vavalo perofeta i mea pepelo i loʻu igoa.+ Ou te leʻi aauina atu i latou, ou te leʻi poloaʻi atu iā i latou pe tautala atu foʻi iā i latou.+ A ua latou tautatala faavaloaga atu iā te outou i le faaaliga pepelo, o le valovaloga, o le mea e lē aogā,+ ma le faaʻoleʻole o o latou loto.+

Ieremia 29:8

O le Tusi Paia—O le Faaliliuga a le Lalolagi Fou
- 8 Auā o le mea lenei ua fetalai mai ai Ieova o ʻau, o le Atua o Isaraelu: “Aua neʻi faasesēina outou e o outou perofeta o ē ua iā te outou, ma ē e faia valovaloga faataulāitu ua iā te outou,+ aua foʻi neʻi outou faalogo atu i a latou miti ua latou miti ai.+

Auega 2:14

O le Tusi Paia—O le Faaliliuga a le Lalolagi Fou
- 14 Ua vaaia e ou perofeta faaaliga mo oe, o mea e lē aogā ma mea faatauvaa,+
  Ua latou lē faaalia foʻi au mea sesē ina ia puipuia ai oe mai i le aveina faapagota,+
  A ua latou vaaia pea mo oe i faaaliga, o mea e lē aogā ma feʻau e taʻitaʻisesēina ai.+

2 Peteru 2:1

O le Tusi Paia—O le Faaliliuga a le Lalolagi Fou
- 2 Ae peitaʻi, na iai foʻi perofeta pepelo i le nuu o Isaraelu, o le a faapena foʻi ona iai aʻoaʻo pepelo iā te outou.+ O i latou lava ia e aumaia faalilolilo i totonu vaevaega e fano ai, ma latou lafoaʻia ai le matai na faatauina i latou,+ ma o i latou lava e vave oo mai ai lo latou faaumatiaga.