17 Ia outou faamasani e fai mea lelei;+ ia saʻili i le mea ua tonu;+ ia faasaʻo lē ua sauā;+ ia faia ni faaiʻuga tonu mo le tamaitiiti ua leai sona tamā;+ ma ia outou finau mo le fafine ua oti lana tane.”+

6 afai foʻi tou te lē faasauā i le tagata ese, o le tama ua leai se tamā, ma le fafine ua oti lana tane,+ ma outou lē sasaa le toto o lē ua lē sala i lenei mea,+ ma outou lē mulimuli atu foʻi i isi atua e malaia ai outou,+

10 aua neʻi fai mea faapiʻopiʻo i le fafine ua oti lana tane,+ po o le tama ua leai se tamā,+ po o le tagata ese o aumau,+ po o lē ua puapuagatia,+ ma aua neʻi faufau i o outou loto se mea leaga e fai e le tasi i le isi.’+

5 “Ou te faalatalata atu iā te outou i le faamasinoga,+ e vave foʻi ona fai aʻu ma molimau+ faasaga i faataulāitu,+ o ē e mulilulua,+ o ē e tautō pepelo,+ o ē e faapiʻopiʻo i le totogi o le tagata faigaluega,+ o le fafine ua oti lana tane,+ ma le tama ua leai se tamā,+ ma ē ua soli aiā tatau a le tagata ese ua aumau,+ ma ua latou lē matataʻu iā te aʻu,”+ ua fetalai mai ai Ieova o ʻau.