5 Ia outou taʻu atu i Iuta ma faalauiloa atu i Ierusalema,+ ia taʻu atu foʻi ma ilia se pū i le nuu.+ Ia valaau leotele atu e faapea: “Inā faapotopoto faatasi ia outou, ma tatou ulu atu i aai malupuipuia.+

6 O outou le fanauga a Peniamina e, inā sosola ese ia mai i totonu o Ierusalema; ma ia ili le pū+ i Tikoa.+ Ia tafu foʻi se afi e fai ma faailoilo i Peteakarema;+ auā ua faaloloʻi mai iā te outou le mala mai i mātū, o le faaumatiaga tele.+