11 O lea aso, e toe tuu faalua atu ai e Ieova lona aao+ ina ia aoaoina o ē o le a totoe o lona nuu, o ē o le a totoe mai i Asuria,+ mai i Aikupito,+ mai i Patoro,+ mai i Kuso,+ mai i Elama,+ mai i Senara,+ mai i Amato ma motu o le sami.+

10 “A o oe, aua e te fefe, laʻu auauna o Iakopo e,” ua fetalai mai ai Ieova, “aua foʻi e te mataʻu, Isaraelu e.+ Auā o lenei ou te faaolaina oe mai i le mea mamao, ma lau fanau mai i le nuu na ave faapagota+ i ai i latou. E toe foʻi mai lava Iakopo, e lē toe atuatuvale ae o le a toʻafilemu, e lē toe iai foʻi se tasi e faamataʻu iā te ia.”+

37 ‘Ou te faapotopoto faatasi i latou mai i nuu uma na ou faataapeape i ai i latou i loʻu ita, o loʻu ita tele, ma loʻu tigā tele;+ ou te toe aumaia foʻi i latou i lenei mea ma faanonofo ai ma le saogalemu.+

42 “‘O le a outou iloa ai o aʻu lava o Ieova,+ pe a ou avatu outou i le laueleele o Isaraelu,+ i le atunuu na sii ai loʻu lima i se tautoga e avatu i o outou augātamā.

13 Ou te aumaia+ i latou mai i nuu, ma aoaoina i latou mai i atunuu ma avatu i latou i lo latou eleele,+ ma fafaga i latou i mauga o Isaraelu, o loo i autafa o ālia ma autafa o mea e ʻaināina e le nuu.+

24 O le a ou aveesea outou mai i nuu ma aoaoina outou mai i atunuu uma ma avatu i lo outou eleele.+

12 O lea, ia faia valoaga ma ia fai atu iā i latou, ‘O le fetalaiga lenei a le Alii Pule Silisili Ese o Ieova: “Loʻu nuu e, o lenei ua ou lagaina o outou tuugamau,+ ma ou te ave aʻe outou mai i o outou tuugamau ma avatu i le eleele o Isaraelu.+

14 O le a ou toe aumaia o ē na ave faapagota o loʻu nuu o Isaraelu,+ o le a latou toe fausia aai na faatafunaina ma nonofo ai,+ e totō foʻi togāvine ma feinu i le uaina mai i ia mea, e fai foʻi togālaau ʻaina ma aai ai i o latou fua.’+