9 Ua vaivai le fafine na fanaua tama e toʻafitu; ua tau mānava o ia.+ Ua goto lona lā a o ao lava;+ ua māsiasi ma ua mā foʻi.’ ‘Ou te tuuina atu o ē o totoe o i latou i le pelu i luma o o latou fili,’+ ua fetalai mai ai Ieova.”

6 ‘O lea, e lē oo iā te outou le pō+ ina ia leai ai se faaaliga;+ ae o le a oo iā te outou le pogisa, ina ia lē faia ai valovaloga faataulāitu. E goto foʻi le lā i luga o ia perofeta, ma pogisa ai le ao iā i latou.+

29 “A mavae loa le puapuaga o ia aso, ona pogisa lea o le lā,+ o le a lē toe susulu le masina,+ o le a paʻuʻū foʻi fetu mai i le lagi, ma o le a lūlūina ai mea malolosi i le lagi.+