• Salamo 22:ulutala-31
    O le Tusi Paia—O le Faaliliuga a le Lalolagi Fou

    • I le faatonu o le ʻaufaimusika o le ʻAila o le Vaveao. O le pese a Tavita.

      22 Loʻu Atua e, loʻu Atua e, aiseā ua e tuua ai aʻu?+

      Aiseā ua e taumamao ai mai i le faaolaina o aʻu,+

      Mai i upu o laʻu faataiō atu?+

       2 Loʻu Atua e, ou te valaau atu pea iā te oe i le ao, ae e te lē tali mai;+

      Atoa foʻi ma le pō, ua ou lē mapu lava.+

       3 A o oe e paia,+

      Ua e tiʻetiʻe i viiga a Isaraelu.+

       4 Ua faatuatua iā te oe o matou tamā;+

      Ua faatuatua i latou, ma ua e saunia pea se mea e sao ai i latou.+

       5 Ua latou alalaga atu iā te oe,+ ma ua latou saogalemu ai;+

      Ua latou faatuatua iā te oe, ma e latou te leʻi māsiasi ai foʻi.+

       6 Ua na o aʻu o se ilo,+ ae e lē o se tagata,

      Ua avea o se luma i tagata, ma ua inosia foʻi e le nuu.+

       7 A o i latou uma o vāai mai iā te aʻu, ua latou tauemu mai iā te aʻu;+

      Ua faamamaga pea o latou gutu, ma lialiaʻi pea o latou ulu:+

       8 “Ua ia tuuina atu o ia iā Ieova.+ Ia saunia e Ia se mea e sao ai o ia!+

      Ia laveaʻiina e ia o ia, auā ua fiafia o ia iā te ia!”+

       9 Auā o Oe na e aumaia aʻu mai i le manava,+

      O Lē na ou saogalemu ai a o oʻu susu i loʻu tinā.+

      10 Na tuuina atu aʻu iā te oe mai i le manava;+

      O oe lava o loʻu Atua talu ina ou iai i le manava o loʻu tinā.+

      11 Aua e te taumamao ese mai iā te aʻu, auā ua latalata mai le puapuaga,+

      Auā e leai lava se isi e fesoasoani mai.+

      12 Ua siʻosiʻomia aʻu e le tele o tamaʻi povi poʻa;+

      Ua vagavagaia aʻu e ē e malolosi o Vasana.+

      13 Ua faamamaga mai o latou gutu iā te aʻu,+

      E pei o se leona ua saeia se manu ma ua tagi leotele.+

      14 Ua sasaa atu aʻu e pei o le vai,+

      Ma ua taapeape oʻu ivi uma.+

      Ua pei loʻu loto o se gaʻo;*+

      Ua matuā liusuavai i totonu o oʻu totoga.+

      15 Ua leai soʻu malosi, ua pei o se taʻegaipu omea,+

      Ma ua pipii aʻe loʻu laulaufaiva i oʻu tainifo;+

      Ua e tuu foʻi aʻu i le efuefu o le oti.+

      16 Auā ua siʻosiʻomia aʻu e taʻifau;+

      Ua siʻomia foʻi aʻu e le faapotopotoga o ē e fai mea leaga.+

      Ua latou osofaʻia oʻu lima ma oʻu vae e pei o se leona.+

      17 Ou te mafaia ona faitau oʻu ivi uma.+

      Ua latou vaavaai mai, ma pulatoʻa mai iā te aʻu.+

      18 Ua latou tufatufa oʻu ofu iā i latou,+

      Ma ua latou fai le vili i loʻu ofu.+

      19 A o oe Ieova e, aua e te taumamao ma aʻu.+

      O oe o loʻu malosi,+ ia vave ona e fesoasoani mai iā te aʻu.+

      20 Ia e laveaʻi iā te aʻu mai i le pelu,+

      Ua na o aʻu lava e toʻatasi mai i le lima o le taʻifau;+

      21 Ia faaola mai iā te aʻu mai i le gutu o le leona,+

      Ia e tali mai iā te aʻu, ma faaola mai iā te aʻu mai i nifo o povi poʻa o le vao.+

      22 Ou te taʻutaʻu atu lou suafa+ i oʻu uso;+

      Ou te vivii atu iā te oe i totonu o le faapotopotoga.+

      23 Ia vivii atu iā te ia, o outou o ē e matataʻu iā Ieova!+

      O outou uma le fanau a Iakopo, ia outou faamamaluina o ia!+

      Ia fefefe iā te ia, o outou uma le fanau a Isaraelu.+

      24 Auā e lē inosia e ia+

      E lē ʻinoʻino foʻi i le tigā o lē ua puapuagatia;+

      E na te lē natia ona fofoga mai iā te ia,+

      Ma e faafofoga mai foʻi o ia pe a ia tagi atu iā te ia mo se fesoasoani.+

      25 Ou te vivii atu iā te oe i totonu o le faapotopotoga tele;+

      Ou te avatua foʻi mea na ou tautō ai i luma o i latou e matataʻu iā te ia.+

      26 E aai ma faamalieina o ē e agamalu;+

      E vivii atu foʻi iā Ieova o i latou e saʻili atu iā te ia.+

      Tau ina ia tumau pea e faavavau o outou loto.*+

      27 E manatua e tuluʻiga uma o le lalolagi ma toe foʻi atu iā Ieova.+

      E ifo foʻi i ou luma aiga uma o atunuu.+

      28 Auā o Ieova o le Tupu,+

      Ma o loo ia pulea foʻi atunuu.+

      29 E aai i latou uma o ē e puputa o le lalolagi ma latou ifo;+

      E punonou i ona luma o i latou uma o ē ō ifo i le efuefu,+

      E leai foʻi se tasi e na te faasaoina lona lava ola.+

      30 E auauna iā te ia le fanau;+

      E folafola atu foʻi i tupulaga e faatatau iā Ieova.+

      31 E latou te ō mai ma taʻu mai lana amiotonu+

      I tagata o le a fananau mai e faapea ua faia e ia o lenei mea.+

  • Isaia 53:1-12
    O le Tusi Paia—O le Faaliliuga a le Lalolagi Fou

    • 53 O ai ua faatuatua i le mea ua matou faalogo i ai?+ O ai foʻi ua faaali+ i ai le aao o Ieova?+ 2 O le a tupu aʻe o ia e pei o se tātupu+ i luma o se tasi, ma e pei o le aa i se laueleele ua leai se vai. E leai sona tino malualii po o sona mamalu;+ pe a tatou vāai foʻi iā te ia, tatou te lē mananaʻo ai ona o ona foliga lē taualoa.+

      3 Ua inosia o ia ma tuulafoaʻiina e tagata,+ o le tagata ua iloa tigā ma masani i maʻi.+ Ua liliuese o tatou mata ina neʻi vāai atu i ona fofoga.+ Ua inosia o ia ma faalēaogāina o ia e i tatou.+ 4 E moni ua ia tauave o tatou maʻi;+ ua ia tauave foʻi o tatou tigā.+ A o i tatou, ua manatu ua faamalaiaina o ia,+ ua taia, ma faapuapuagatia+ e le Atua.+ 5 Ae ua tuʻia+ o ia ona o a tatou solitulafono;+ ua nutililiia o ia ona o a tatou mea sesē.+ Ua oo iā te ia le aʻoaʻiga lea e filemu ai i tatou,+ ma o ona manuʻa+ ua faamālōlōina ai i tatou.+ 6 O i tatou uma na feoaʻi solo e pei o mamoe;+ ua taʻitasi i tatou ma liliu ma alu i lona lava ala; ua tuuina atu e Ieova a tatou agasala uma i luga o lea tagata.+ 7 Na sauāina o ia,+ na ia tuu atu foʻi o ia lava ia faapuapuagatia;+ ae e lē tautala o ia. Ua taʻitaʻiina o ia e pei o le mamoe o le a fasia;+ ma e pei o le mamoe fafine e gūgū i luma o ē e sele i ona fulufulu, e lē tautala mai foʻi o ia.+

      8 Na sauāina o ia ma aveesea e aunoa ma le faamasinoina ma le tonu;+ ma o ai foʻi e manatunatu i faamatalaga uma e uiga i lona tupuaga?*+ Auā ua vavaeese+ o ia mai i ē o loo soifua.+ Na tāina o ia ona o le solitulafono+ a loʻu nuu.+ 9 O le a fai foʻi lona tuugamau faatasi ma tagata amioleaga,+ e faatasi ma tagata mauʻoa pe a maliu o ia,+ e ui na te leʻi faia ni faiga sauā,+ ma e leʻi tautala foʻi lona fofoga i ni upu taufaasesē.+

      10 Ae ua finagalo malie Ieova e nutililiia o ia;+ na ia faatagaina le oo o le maʻi iā te ia.+ Afai e te tuuina atu lona ola e fai ai le taulaga o le nofosala,+ o le a vaai o ia i lana fanau,+ e faaumiumi foʻi ona aso,+ ma e ala i lona lima o le a manuia+ ai mea e fiafia i ai Ieova.+ 11 Ona o ona mafatiaga o le a vaai ai o ia i mea lelei,+ o le a faamalieina foʻi o ia.+ O mea ua ia silafia, o le a taʻuamiotonuina ai le toʻatele o tagata+ e lē ua amiotonu, o laʻu auauna;+ ma o le a tauaveina lava e ia a latou mea sesē.+ 12 O le mea lea, ou te vavae atu ai iā te ia se vaega faatasi ma le toʻatele,+ o le a vaevae foʻi e ia mea na vetea faatasi ma ē e malolosi,+ talu ai na ia sasaaina lona ola i le oti,+ na faitauina foʻi o ia faatasi ma tagata solitulafono;+ na tauave foʻi e ia agasala a le toʻatele o tagata,+ ma ua fautua atu o ia ona o tagata solitulafono.+

  • Tanielu 9:26
    O le Tusi Paia—O le Faaliliuga a le Lalolagi Fou

    • 26 “O le a fasiotia+ le Mesia pe a mavae vaiaso e ono sefulu lua, ae leai se mea iā te ia.+

      “O le a faatafunaina le aai ma le mea paia+ e se ʻautau a se taʻitaʻi o le a sau.+ O lona iʻuga foʻi o se tafeaga lea. O le a iai taua seʻia oo i le gataaga; o le faatafunaga, o le mea ua uma ona filifilia.+