2 Nofoaiga a Tupu

8 Ina ua mavae tausaga e lua sefulu+ na faia ai e Solomona le fale o Ieova+ ma lona lava fale,+ 2 ona toe fausia ai lea e Solomona o aai na tuuina atu e Hiramo+ iā Solomona, ma faanonofo ai i inā le fanauga a Isaraelu. 3 Ona alu atu lea o Solomona ma faatoʻilalo Amato-sopa. 4 Na ia toe fausia Tatemora i le toafa, ma fausia aai uma e teu ai oloa+ i Amato.+ 5 Ua ia fausia foʻi Peteorana i Luga+ ma Peteorana i Lalo,+ o aai malupuipuia ma pā,+ o faitotoʻa ma faamaufaalava,+ 6 ma Paalata,+ o aai uma o Solomona e teu ai oloa, o aai uma o kariota,+ o aai mo tagata tiʻetiʻe solofanua,+ o mea uma ua finagalo i ai Solomona+ e fausia i Ierusalema ma Lepanona,+ ma nuu uma na pule ai o ia.

7 A o tagata uma na totoe mai i tagata Hetī,+ o tagata Amorī,+ o tagata Perisē,+ o tagata Hivī,+ ma tagata Iepusē+ o ē e lē o ni Isaraelu,+ 8 o a latou fanau na totoe i le nuu o ē e leʻi faaumatia+ e le fanauga a Isaraelu, na faafaigaluega+ pea e Solomona tane e faia galuega mamafa seʻia oo mai i le aso nei.+ 9 Ae e leai se tasi o le fanauga a Isaraelu na faapologaina e Solomona i ana galuega;+ peitaʻi o i latou o tagata tau,+ o ona alii ave ʻau, o ona alii e pule i ana kariota,+ ma ona tagata tiʻetiʻe solofanua.+ 10 O alii nei o pule lagolago+ a le Tupu o Solomona, e toʻalua selau lima sefulu, o fomeni na vaavaaia tagata faigaluega.+

11 Ua ave aʻe foʻi e Solomona mai i le Aai a Tavita+ le afafine o Farao+ i le fale na ia faia mo ia,+ auā ua ia faapea ane: “E ui o ia o laʻu avā, ae e lē tatau ona nofo o ia i le fale o Tavita le tupu o Isaraelu, auā o mea e aumai i ai le atolaau a Ieova, o ni mea e paia.”+

12 Ona ofo atu ai lea e Solomona o taulaga mū+ iā Ieova, i le fata faitaulaga+ a Ieova sa ia faia i luma o le faapaologa,+ 13 ua faia foʻi e ia i aso taʻitasi+ e pei ona masani ai, o taulaga e tusa ma le poloaʻiga a Mose mo sapati,+ o masina faatoʻā vaaia,+ ma tausamiga+ ua tofia e faatolu i le tausaga,+ o le tausamiga o falaoa e lē faafefeteina,+ o le tausamiga o vaiaso,+ ma le tausamiga o fale lauvao.+ 14 Ua ia tofia foʻi vaega+ o ositaulaga i a latou auaunaga e tusa ma le tulafono a Tavita lona tamā,+ o le ʻau sa Levī+ i tulaga o o latou tofiga, e vivii+ ma auauna+ i luma o ositaulaga i aso taʻitasi e pei ona masani ai,+ ua tofia foʻi leoleo faitotoʻa i o latou vaega mo faitotoʻa+ eseese, auā o le poloaʻiga lea a Tavita le tagata o le Atua moni. 15 E leʻi liliuese foʻi i latou mai i le poloaʻiga a le tupu i ositaulaga ma sa Levī, e faatatau i so o se mataupu ma e faatatau i oloa.+ 16 Ua saunia le galuega uma a Solomona,+ e amata mai i le aso na fai ai le faavae o le fale o Ieova seʻia uma.+ Ona māeʻa ai lea o le fale o Ieova.+

17 Ona alu atu lea o Solomona i Esiokape+ ma Elata,+ i le matafaga o le sami i le nuu o Etoma.+ 18 Ua aumai pea e Hiramo+ iā te ia e ala i ana auauna, o vaa ma auauna e masani lelei ma le sami,+ ua latou ō faatasi ma auauna a Solomona i Ofeira,+ ma aumai mai i inā o taleni+ auro+ e fā selau lima sefulu, ma aumai i le Tupu o Solomona.+