Salamo

108 Le Atua e, ua mausalī loʻu loto.+

Ou te pese atu ma fai pesega.+

E oo lava i loʻu mamalu.+

 2 Inā ala mai ia, le meafaifaaili e, e iai uaua; o oe foʻi le kitara e.*+

Ou te fafagu i le tafa o ata.+

 3 Ieova e, ou te faaneenee atu iā te oe i luma o tagata;+

Ou te fai foʻi pesega iā te oe i luma o nuu.+

 4 Auā ua tele lou alofa faamaoni ua oo atu i le lagi,+

Ua oo atu foʻi lou faamaoni i ao.+

 5 Le Atua e, ia faaeaina oe e sili aʻe i le lagi;+

Ma ia i luga aʻe foʻi o le lalolagi uma lou mamalu.+

 6 Ina ia laveaʻiina ai o ē e pele iā te oe,+

Ia e faaola mai i lou aao taumatau ma ia e tali mai iā te aʻu.+

 7 Ua fetalai mai le Atua i lona uiga paia:+

“Ou te fiafia lava aʻu, ou te tuuina atu Sekema+ e fai ma tofi;+

Ma ou te fuaina atu foʻi le fanua laugatasi o Sukota.+

 8 O aʻu e ona Kiliata;+ o aʻu e ona Manase,+

O Efaraima foʻi o le malosi o loʻu taʻitaʻi;+

O Iuta o le tootoo lea o loʻu alii.+

 9 O Moapi+ o le tanoa lea ou te mulumulu ai.+

Ou te lafoina atu loʻu seevae+ iā Etoma.+

Ou te alaga atu i le manumalo+ iā Filisitia.”+

10 O ai e na te avatua aʻu i le aai malupuipuia?+

O ai foʻi e na te taʻitaʻi atu aʻu e oo i Etoma?+

11 Le Atua e, pe e lē o oe ea, o lē na lafoaʻiina i matou+

Ma ua e lē afio atu le Atua e, faatasi ma a matou ʻautau?+

12 Ia e fesoasoani mai i lo matou puapuaga,+

Auā e lē aogā le faaolataga mai i tagata.+

13 O le Atua e matou te maua ai le malosi,+

Ma o ia lava e na te solia i lalo o matou fili.+