2 Nofoaiga a Tupu

35 Na faia e Iosia+ le paseka+ iā Ieova i Ierusalema, ua latou fasia ai manu+ o le paseka i le aso lona sefulu fā+ o le uluaʻi+ masina. 2 Ona ia tofia lea o ositaulaga e vaavaaia mea ua latou tausia,+ ma faalaeiau+ i latou i le auaunaga i le fale o Ieova.+ 3 Ua ia fai atu i le ʻau sa Levī, o aʻoaʻo+ o Isaraelu uma lava, o i latou e paia iā Ieova: “Ia tuu le Atolaau paia+ i le fale+ na fausia e Solomona le atalii o Tavita le tupu o Isaraelu; e lē toe avea ma avega i o outou tauʻau.+ O lenei, inā auauna+ ia iā Ieova lo outou Atua ma lona nuu o Isaraelu. 4 Ia outou sauniuni foʻi i aiga o o outou augātamā+ e tusa ai ma o outou vaega,+ e faatatau i tusitusiga+ a Tavita le tupu o Isaraelu, ma tusitusiga+ a Solomona lona atalii. 5 Ia outou tutū+ i le mea paia i vasega o aiga o augātamā+ mo o outou uso, o fanau a le nuu, ma ia iai foʻi se vaega o aiga o tamā o le ʻau sa Levī.+ 6 Ia outou fasi manu o le paseka,+ ma ia faapaiaina+ foʻi outou, ma faia sauniuniga mo o outou uso ina ia faia e tusa ma le afioga a Ieova na ala mai iā Mose.”+

7 Ona avatu lea e Iosia i fanau a le nuu, o lafu o tamaʻi mamoe poʻa ma tamaʻi ʻoti poʻa, o manu uma mo le paseka mo i latou sa iai, o le aofaʻiga e tolu sefulu afe, ma povi e tolu afe.+ O mea uma nei mai i mea a le tupu.+ 8 Na faia foʻi e ona alii sili+ o meaalofa o foaʻi tauofo mo le nuu,+ o ositaulaga ma sa Levī. O Hilikia+ foʻi, ma Sakaria, ma Ikielu, o i latou o taʻitaʻi o le fale o le Atua moni, ua latou avatu i le ʻauositaulaga o manu o le paseka, e lua afe ono selau, ma povi e tolu selau. 9 O Konania foʻi, o Semaia, ma Netanielu ona uso, ma Hasapea, o Ieielu, ma Ieosapa, o alii sili o le ʻau sa Levī, ua latou foaʻi atu i le ʻau sa Levī o manu mo le paseka e lima afe, ma povi e lima selau.

10 Ua saunia+ foʻi le galuega, ma ua tutū pea+ le ʻauositaulaga i o latou tulaga,+ faapea foʻi ma sa Levī i o latou vaega,+ e tusa ai ma le poloaʻiga+ a le tupu. 11 Ua latou fasia manu+ o le paseka, ma ua sausauina+ e ositaulaga+ le toto na latou talia mai i lima o isi, i luga o le fata faitaulaga, a o saeina paʻu+ o manu e le ʻau sa Levī. 12 Ua latou saunia foʻi taulaga mū ina ia tuuina atu i vasega+ o aiga o tamā+ o fanau a le nuu, ina ia ofo atu le taulaga+ iā Ieova e tusa ai ma le mea ua tusia i le tusi a Mose;+ e faapena foʻi ona fai i povi. 13 Ua latou tunu+ le taulaga o le paseka+ i luga o le afi e tusa ai o le tū masani; ua latou tunu+ foʻi mea ua faapaiaina i ulo, o ulo faaofuofu, ma ulo fai meaʻai, ona latou aumaia faavave lea i fanau uma a le nuu.+ 14 Mulimuli ane, ua latou sauniuni mea mo i latou ma ositaulaga,+ auā o loo ofoina atu e ositaulaga, o atalii o Arona, o taulaga mū+ ma mea gaʻoa+ seʻia oo i le pō, a o le ʻau sa Levī, ua latou sauniuni+ mo i latou ma ositaulaga, o atalii o Arona.

15 O tagata pepese+ o le fanauga a Asafo,+ sa i o latou tofiga e tusa ai ma le poloaʻiga a Tavita,+ o Asafo,+ o Hemana,+ ma Iutana+ o lē e vaaia faaaliga+ a le tupu; sa iai foʻi leoleo faitotoʻa+ i faitotoʻa eseese.+ Sa lē manaʻomia ona latou liliuese mai i la latou auaunaga, auā ua sauniuni+ mo i latou e o latou uso le ʻau sa Levī. 16 Na saunia le galuega uma a Ieova i lenā aso e fai ai le paseka,+ ma ofoina atu taulaga mū i luga o le fata faitaulaga a Ieova, e tusa ai ma le poloaʻiga a le Tupu o Iosia.+

17 O le fanauga a Isaraelu sa iai, ua latou faia le paseka+ i lenā taimi, atoa foʻi ma le tausamiga o falaoa e lē faafefeteina i aso e fitu.+ 18 E leʻi faia lava se paseka faapenei i Isaraelu talu mai aso o le perofeta o Samuelu,+ e leʻi faia foʻi e nisi lava tupu+ o Isaraelu se paseka faapenei, e pei ona faia e Iosia, o ositaulaga, o le ʻau sa Levī, o Iuta uma ma Isaraelu na iai, ma tagata na nonofo i Ierusalema. 19 Na faia lenei paseka i le tausaga lona sefulu valu o le nofoaiga a Iosia.+

20 Ina ua uma ona saunia e Iosia le fale, ona alu aʻe ai lea o Neko+ le tupu o Aikupito+ e tau i Karekimisa+ i tafatafa o le vaitafe o Eufirate. Ua alu atu foʻi Iosia+ e tau ma ia.+ 21 A ua ia aauina mai avefeʻau iā te ia, ua faapea mai: “Le tupu e o Iuta, o le ā laʻu mea e fai iā te oe? Ou te lē o alu atu i le asō e tau ma oe, ae ou te siitaua atu i o tatou fili, o le Atua foʻi na ia fetalai mai ina ia ou faamataʻu iā i latou. Ia e ʻaloese ina ia e saogalemu ai, auā o loo faatasi le Atua ma aʻu, ina neʻi faaumatia oe e ia.”+ 22 A ua lē liliuese Iosia mai iā te ia,+ ae ua faafoliga atu o ia o se tagata ese+ ma alu atu e tau ma ia, ua lē faalogo foʻi i upu a Neko+ mai i le fofoga o le Atua. Ua alu atu o ia e tau i le vanu laugatasi o Mekito.+

23 Ua fana e tagata fanafana aū+ le Tupu o Iosia, ona fai atu lea o le tupu i ana auauna: “Inā ave ifo ia aʻu, auā ua ou matuā manuʻa leaga lava.”+ 24 Ua ave ifo o ia e ana auauna mai i le kariota, ua faatiʻetiʻe o ia i lana kariota tau lona lua ma aumai o ia i Ierusalema.+ Ona maliu lea o ia,+ ma ua tanu i le fanuatanu o ona augātamā;+ ua faavauvau+ foʻi Iuta uma ma Ierusalema ona o Iosia. 25 Ua pese+ Ieremia+ ona o Iosia; ua talanoa pea lava tama pepese uma ma teine+ pepese e uiga iā Iosia i a latou pese faanoanoa seʻia oo mai i le aso nei; ua latou faia o se tulafono iā Isaraelu, ma ua tusia ia i pese faanoanoa.+

26 A o le olaga uma+ o Iosia, o ana gaoioiga alofa faamaoni,+ e tusa ai ma mea ua tusia i le tulafono+ a Ieova, 27 o lona olaga, o mea mulimuli ma mea muamua,+ ua tusia ia i le Tusi+ o Tupu o Isaraelu ma Iuta.