Salamo

99 Ua fai Ieova ma tupu.+ Ia atuatuvale nuu.+

O loo afio o ia i luga o kerupi.+ Ia gatete le lalolagi.+

 2 E silisili Ieova i Siona,+

E maualuga foʻi o ia i nuu uma.+

 3 Ia latou faaneenee atu i lou suafa.+

E sili ma mataʻutia, ma e paia foʻi.+

 4 O le malosi o le tupu o loo fiafia ai o ia i le faamasinoga.+

Ua e matuā faamausalīina le amio saʻo.+

Ua e faia le faamasinoga ma le amiotonu+ iā Iakopo.

 5 Ia outou faaeaina Ieova lo tatou Atua+ ma ifo atu i le mea e tū ai ona aao;+

Auā e paia lava o ia.+

 6 Sa iai Mose ma Arona faatasi ma ana ositaulaga,+

Sa iai foʻi Samuelu faatasi ma i latou na valaau i lona suafa.+

Na latou valaau atu iā Ieova, ma na ia faafofoga mai pea iā i latou.+

 7 Na fetalai mai pea o ia iā i latou i le ao faaniutū.+

Na latou tausia foʻi ana faamanatuga ma ana poloaʻiga na tuu mai iā i latou.+

 8 Ieova e, lo matou Atua, o oe lava na e tali atu iā i latou.+

O oe o le Atua na e faamagaloina i latou,+

Ua e tauimasui i a latou galuega leaga.+

 9 Ia outou faaeaina Ieova lo tatou Atua+

Ma ia outou ifo atu i lona mauga paia.+

Auā o Ieova lo tatou Atua e paia lava o ia.+