2 Nofoaiga a Tupu

9 Ua faalogo le tupu tamaʻitaʻi o Seepa+ i le tala e uiga iā Solomona, ona ia sau ai lea i Ierusalema e tofotofo iā Solomona i fesili faigatā,+ ua iā te ia se ʻaumalaga e matuā toʻatele lava, o kamela+ o loo aumai ai suāuu pasama,+ o auro+ e matuā tele ma maa tāua.+ Ua sau o ia iā Solomona ma tautala mai iā te ia i mea uma ua naunau i ai lona loto.+ 2 Ona taʻu atu lea e Solomona iā te ia o tali uma o ana fesili,+ e leai se tali na natia e Solomona, ua ia taʻu atu mea uma iā te ia.+

3 Ina ua iloa e le tupu tamaʻitaʻi o Seepa le atamai o Solomona,+ ma le fale na ia faia,+ 4 o meaʻai o i lana laulau,+ o le nonofo a ana auauna i le laulau, o le tautua a ana auauna ma o latou ofu,+ o ana tautū uaina+ ma o latou ofu, o ana taulaga mū+ e faia e lē aunoa i le fale o Ieova,+ ona vaivai ai lea o ia. 5 Ona ia fai mai lea i le tupu: “Ua moni lava le upu na ou faalogo ai i loʻu nuu e uiga i au upu ma lou atamai.+ 6 Ou te leʻi talitonu+ i na upu seʻia ou sau ma vaai i ai oʻu mata;+ faauta! e itiiti lava mea na taʻu atu iā te aʻu, ua matuā sili atu lava lou atamai.+ Ua sili atu lava oe nai lo o le tala na ou faalogo ai.+ 7 Amuia+ ou tagata, amuia foʻi au auauna o ē o loo tutū e lē aunoa i ou luma, ma faalogo i lou atamai.+ 8 Ia viia Ieova lou Atua,+ o lē ua fiafia+ mai iā te oe i lona faanofo o oe i lona nofoālii+ e fai ma tupu mo Ieova lou Atua;+ auā e alofa+ lou Atua iā Isaraelu ma ua ia faatumauina i aso uma lava, o lea ua ia tofia ai oe e fai ma tupu+ ina ia e faia faamasinoga+ ma le amiotonu.”+

9 Ona ia foaʻi mai lea i le tupu o taleni auro e selau lua sefulu,+ ma le matuā tele lava o suāuu pasama,+ ma maa tāua;+ e leʻi faapea foʻi ona tele o suāuu pasama e pei o ia na foaʻi mai e le tupu tamaʻitaʻi o Seepa i le Tupu o Solomona.+

10 O auauna foʻi a Hiramo+ ma auauna a Solomona o ē na aumaia auro+ mai i Ofeira, na aumaia foʻi laupapa alemuka+ ma maa tāua.+ 11 Ona faia lea e le tupu mai i laupapa alemuka o faasitepu+ mo le fale o Ieova ma le fale o le tupu,+ atoa foʻi ma kitara,*+ ma meafaifaaili e iai uaua+ mo tagata pepese,+ ma e leʻi vaaia muamua foʻi ni mea faapea i le nuu o Iuta.

12 Ua foaʻi atu foʻi e le Tupu o Solomona i le tupu tamaʻitaʻi+ o Seepa, o mea uma na fiafia i ai o ia, o mea na ia talosaga mai ai, e ese ai mai i le aofaʻi o mea na ia aumaia i le tupu. Ona liliu atu lea o ia ma toe foʻi i lona nuu, o ia faatasi ma ana auauna.+

13 O le mamafa o le auro na aumaia iā Solomona i tausaga taʻitasi, e ono selau ono sefulu ono taleni auro,+ 14 ae e lē taulia ai tagata femalagaaʻi ma ē e faatauʻoa+ na aumaia oloa, ma tupu uma o Arapi,+ ma kovana o le nuu o ē na aumaia auro ma siliva iā Solomona.

15 Ua faia foʻi e le Tupu o Solomona i auro+ ua saunia faapitoa o talipupuni tetele e lua selau (e ono selau sekeli auro na ia ufiufi ai luga o talipupuni tetele taʻitasi),+ 16 ma talita e tolu selau e faia i auro ua saunia faapitoa (e tolu mina auro na ia ufiufi ai luga o talita taʻitasi).+ Ona tuu lea e le tupu o na mea i le Fale o le Vaomatua o Lepanona.+

17 Ua faia foʻi e le tupu se nofoālii tele i nifo elefane, ma ufitia i auro māoʻi.+ 18 E ono faasitepu i le nofoālii, e iai le mea auro e tū ai vae i le nofoālii, (e pipii faatasi nei mea), e iai foʻi faalagolago o lima i le isi itu ma le isi itu i le mea e nofo ai, e tutū ai foʻi faatusa e lua o leona+ i tafatafa o faalagolago o lima.+ 19 E sefulu lua faatusa o leona+ o loo tutū ai i le isi itu ma le isi itu o faasitepu e ono. E leai lava se isi malo na faia se mea faapea.+ 20 O ipu inu+ uma a le Tupu o Solomona o auro+ ia, o auro māoʻi foʻi ipu uma lava o le Fale o le Vaomatua o Lepanona.+ E leai se mea siliva na iai; i aso o Solomona na manatu i mea siliva e matuā faatauvaa lava.+ 21 Sa ō atu i Tasesa+ vaa o le tupu faatasi ma auauna a Hiramo.+ E faatasi i tausaga taʻitolu ona ō mai vaa o Tasesa e aumai ai auro, o siliva,+ o nifo elefane,+ o manukī ma tuki.*+

22 Na sili atu le Tupu o Solomona i ʻoa+ ma le atamai+ nai lo o isi tupu uma o le lalolagi. 23 Ua saʻili+ foʻi tupu uma o le lalolagi e fia vāai iā Solomona, ina ia faalogo i lona atamai+ na tuuina e le Atua moni i lona loto.+ 24 I tausaga taʻitasi+ e latou te aumaia ai e taʻitasi ma lana meaalofa+ o mea siliva, o mea auro,+ o ofu,+ o auupega, o suāuu pasama, o solofanua ma asini.* 25 Sa iā Solomona o fale o solofanua+ e fā afe ma kariota,+ ma solofanua e sefulu lua afe, ua ia tuuina foʻi na mea i aai o kariota+ e latalata ane i le tupu i Ierusalema. 26 Ua pule foʻi o ia i tupu uma lava, e amata mai i le Vaitafe e oo ifo i le nuu o Filisitia, e oo ifo foʻi i le tuaoi o Aikupito.+ 27 Ua faia e le tupu le siliva i Ierusalema e pei o maa; ua ia faia foʻi laupapa arasi e pei o laau o le sukamoru+ i vaipanoa o le Sefila,+ ua matuā tele lava.+ 28 E iai foʻi i latou na aumaia solofanua+ mai i Aikupito+ ma isi nuu uma lava iā Solomona.

29 A o le olaga uma o Solomona,+ o mea muamua ma mea mulimuli, po ua lē o tusia ea i upu a Natano+ le perofeta, o le valoaga a Akia+ le Sailo,+ ma le faamaumauga o faaaliga a Ito+ lē e faamatalaina faaaliga, e tusa ai o Ierepoamo+ le atalii o Nepata?+ 30 E fā sefulu tausaga na pule ai pea Solomona i Ierusalema iā Isaraelu uma. 31 Mulimuli ane, ona taoto lea o Solomona faatasi ma ona augātamā. Ua latou tanu o ia i le Aai a Tavita lona tamā;+ ma ua pule foʻi Reopoamo+ lona atalii e sui iā te ia.+