Numera
24 Ua iloa e Palaamo ua lelei i le silafaga a Ieova le faamanuia o Isaraelu, ona lē toe alu lea o ia e pei o isi taimi+ e saʻili i ni faailoilo faataulāitu,+ ae ua faasaga atu ona mata i le toafa. 2 Ua tepa aʻe Palaamo ma iloa atu Isaraelu o loo nonofo i o latou faleʻie e tusa ma o latou ituaiga,+ ona oo lea o le agaga o le Atua iā te ia.+ 3 Ona ia fai atu lea o ana feʻau faavaloaga+ e faapea:
“Ua fai atu Palaamo le atalii o Peoro,
Ua fai atu foʻi le tamāloa ua pupula ona mata,+
4 Ua fai atu lē ua faalogo i fetalaiga a le Atua,+
O lē foʻi na iloa le faaaliga mai i Lē e ona le malosi uma lava+
A o paʻū ifo o ia ma pupula pea ona mata:+
5 Iakopo e, maʻeu le mananaia o ou faleʻie, o mea o loo outou nonofo ai Isaraelu e!+
6 Ua folasia ai e oo atu i le mea mamao e pei o ni vanu,+
E pei foʻi o ni togālaau i autafa o le vaitafe.+
E pei o laau o le aloe ua totōina e Ieova,
E pei foʻi o laau o le arasi i autafa o vai.+
7 Ua sisina mai pea vai mai i ana pakete e lua ua faia i paʻu o manu,
Ua lūlūina ona fatu i autafa o vai e tele.+
O le a sili atu lona tupu+ iā Akako,+
O le a malosi lona malo.+
8 Ua aumaia o ia e le Atua mai i Aikupito;
E vave tele lana gaoioi e pei o se povi poʻa o le vao.+
E na te faaumatia atunuu ia e faasauā iā te ia,+
E na te gali i o latou ivi,+ e na te nutipalaina foʻi i latou i ana aū.+
9 Ua taoto o ia, ua taoto e pei o se leona,
E pei foʻi o le leona, o ai sē e lototele e faaita iā te ia?+
O i latou e faamanuia iā te oe, e manuia i latou,+
O i latou e faamalaia iā te oe, e malaia i latou.”+
10 Ona matuā ita ai lea o Palako iā Palaamo ua patipati ona lima,+ ma ua fai mai Palako iā Palaamo e faapea: “Na ou valaaulia oe ina ia e taʻusalaina+ oʻu fili, ae ua faatolu ona e matuā faamanuia iā i latou. 11 O le mea lea, ia e alu ai i lou fale. Auā ua ou faapea ifo iā te aʻu, ou te matuā faamamaluina oe,+ ae tagaʻi foʻi! ua taofia oe e Ieova neʻi faamamaluina oe.”
12 Ona tali atu lea o Palaamo iā Palako: “Pe na ou lē fai atu ea i au avefeʻau o ē na e aauina mai iā te aʻu e faapea, 13 ‘Afai e foaʻi mai e Palako iā te aʻu lona fale ua tumu i siliva ma auro, ou te lē mafai lava ona solia le poloaʻiga a Ieova e fai ai se mea lelei po o se mea leaga mai i loʻu loto. O ā mea e fetalai mai ai Ieova o mea ia ou te fai atu ai’?+ 14 A o lenei o le a ou alu atu i loʻu lava nuu. O le mea lea, seʻi oʻu fautua atu ai iā te oe,+ i le mea o le a faia mulimuli ane e lenei nuu iā te outou i le faaiʻuga o aso.”+ 15 Ona ia fai atu lea o ana feʻau faavaloaga+ e faapea:
“Ua fai atu Palaamo le atalii o Peoro,
Ua fai atu foʻi le tamāloa ua pupula ona mata,+
16 Ua fai atu lē ua faalogo i fetalaiga a le Atua,+
O lē ua iloa mea e silafia e le Silisili Ese—
O lē foʻi na iloa le faaaliga mai i Lē e ona le malosi uma lava+
A o paʻū ifo o ia ma pupula pea ona mata:+
17 O le a ou vaai iā te ia,+ ae e lē o le taimi nei;
O le a ou vaai iā te ia, ae e lē lata mai.
O le a sau se fetu+ mai iā Iakopo,
O le a tulaʻi mai se tootoo mai i Isaraelu.+
O le a ia vaeluaina le muāulu o Moapi+
Ma ipu a atalii uma o loo vevesi i le taua.
19 E alu atu se tasi mai iā Iakopo e na te faatoʻilaloina pea,+
E na te fasiotia so o se tasi e totoe i le aai.”+
20 A o ia vaai atu iā Amaleka ona ia fai atu lea o isi feʻau faavaloaga e faapea:+
“E muamua Amaleka i isi atunuu,+
A o lona iʻuga e faaumatia o ia.”+
21 A o ia vaai atu foʻi i tagata Keni,+ ua faaauau ona fai atu ana feʻau faavaloaga e faapea:
“E tumau le mea e te nofo ai, e fai lou fale i luga o le papa.
22 Peitaʻi o le a sau se tasi e na te susunuina Kaino.*+
O le ā le umi seʻia oo ina ave faapagota oe e Asuria?”+
23 Ua faaauau ona faia ana feʻau faavaloaga e faapea:
“Auē! O ai o le a sao pe a faaoo mai e le Atua lenei mea?+
24 O le a iai vaa mai i le talafatai o Kitimo,+
E latou te faasauā iā Asuria,+
E latou te faasauā foʻi iā Eperu.
Ae e mulimuli ane e faaumatia foʻi o ia.”
25 Ua mavae lea ona tulaʻi lea o Palaamo ma alu i lona ala.+ Ua alu foʻi Palako.