Teuteronome
33 O le faamanuiaga+ lenei na faamanuia atu ai Mose, le tagata o le Atua moni+ i le fanauga a Isaraelu, a o leʻi maliu o ia. 2 Ua ia fai atu:
“Na afio mai Ieova mai i Sinai,+
Na faafuaseʻi ona afio ifo i luga o i latou mai i Seira.+
Na pupula mai o ia mai i vaega maugā o Parana,+
Na faatasi ma ia le faitau afe* o le ʻaupaia,+
I lona aao taumatau na iai o latou ʻautau.+
3 Na ia tausi faapelepele i lona nuu;+
Ua i ou aao lo latou ʻaupaia uma.+
A o i latou, na taooto i latou i ou vae;+
Ona latou faalogo ai lea i au afioga.+
4 (Na tuuina mai e Mose iā i tatou se tulafono,+
Lea ua avea ma meatotino a le faapotopotoga a Iakopo.)+
5 Na fai le Atua ma tupu i Iesuruna,*+
Ina ua faapotopoto faatasi ulu uma o le nuu,+
Le aofaʻiga atoa o ituaiga o Isaraelu.+
6 Ia ola pea Reupena ae aua neʻi oti,+
Aua foʻi neʻi faatoʻaitiitia ona tagata.”+
7 Ua ia faapea mai e tusa ma le faamanuiaga a Iuta:+
“Ieova e, ia e faafofoga i le leo o Iuta,+
Tau ina ia e aumaia o ia i lona nuu.
Na tauivi malosi o ia i ona lima mo ana mea;
Ma tau ina ia avea lava oe ma fesoasoani iā te ia mai i ē e tetee atu iā te ia.”+
8 Ua ia faapea atu e tusa ai ma Levi:+
“O lau Tumema ma lau Urima+ o mea ia a le tagata ua faamaoni iā te oe,+
O lē na e tofotofoina i Mase.+
Na e finau ma ia i vai o Meripa,+
9 O le tagata na fai atu i lona tamā ma lona tinā, ‘Ou te leʻi vaai lava iā te ia.’
E oo foʻi i ona uso e na te leʻi amanaʻia,+
E na te leʻi iloa foʻi ona atalii.
Auā na latou tausia au afioga,+
Ma na latou tausia pea foʻi lau feagaiga.+
10 Ia latou aʻoaʻo atu iā Iakopo e tusa ma iʻuga o au faamasinoga+
Ma Isaraelu foʻi e tusa ma lau tulafono.+
Ia latou faamū mea manogi i luma o ou fofoga*+
Ma se taulaga atoa i luga o lou fata faitaulaga.+
11 Ieova e, ia e faamanuia lona malosi,+
Tau ina ia e finagalo malie i galuega a ona lima.+
Ia matuā faamanuʻalia sulugātiti o i latou o ē e tetee atu iā te ia,+
Ma i latou o ē e matuā ʻinoʻino iā te ia, neʻi latou tetee mai foʻi.”+
12 Ua ia faapea atu e tusa ai ma Peniamina:+
“O le pele+ a Ieova, ia nofo ma le saogalemu faatasi ma ia,+
A o ia faamalumalu iā te ia i le aso atoa,+
Ma e nofo o ia i le va o ona tauʻau.”+
13 Ua ia faapea atu e tusa ai ma Iosefa:+
“Tau ina ia faaauau pea ona faamanuiaina e Ieova lona fanua+
Faatasi ma mea e sili ona lelei mai i le lagi, ma le sau,+
Ma le vai loloto i lalo o le laueleele,+
14 Ma mea e sili ona lelei, o fua e tutupu mai ona o le lā,+
Ma mea e sili ona lelei, o fua e selesele mai e tusa ma fuata o masina* o le tausaga,+
15 Atoa ma mea e sili ona lelei mai i mauga i le itu i sasaʻe,+
Ma mea e sili ona lelei mai i aʻega ia e tumau pea,
16 O mea foʻi e sili ona lelei o le laueleele ma mea uma ua tumu ai,+
Ma le finagalo malie o Lē na nofo i le laau tuitui.+
Tau ina ia oo mai ia mea i luga o le ulu o Iosefa+
Ma luga o le tumuaʻi o lē na filifilia mai i ona uso.+
17 E tusa lona matagofie ma le ulumatua a se povi poʻa,+
O ona seu, o seu o se povi poʻa o le vao.+
E na te sua ai tagata i ona seu+
O i latou uma e oo lava i tuluʻiga o le lalolagi,
O mea ia o le faitau sefulu afe o Efaraima,+
O mea foʻi ia o le faitau afe o Manase.”
18 Ua ia faapea atu e tusa ai ma Sepulona:+
“Sepulona e, ia e olioli i lou alu atu,+
Ma oe Isakara e, i totonu o ou faleʻie.+
19 E la te valaau tagata ia ō atu i le mauga.
O i inā e latou te faia ai taulaga, o taulaga o le amiotonu.+
Auā e la te mitiia le tele o le tamaoaiga o le sami+
Ma oloa ua lilo i le oneone.”
20 Ua ia faapea atu e tusa ai ma Kato:+
“E manuia lē e na te faalauteleina tuaoi o Kato.+
E nofo o ia e pei o se leona,+
E na te saeia le lima, atoa ma le ulu.+
21 E na te filifilia le fanua e sili ona lelei mo ia lava,+
Auā o i inā ua taofia ai le tofi o lē e faitulafono.+
E faapotopoto mai e ulu o le nuu i latou lava.
E na te faaooina atu lava le amiotonu a Ieova
Ma iʻuga o ana faamasinoga e tusa ma Isaraelu.”
22 Ua ia faapea atu e tusa ai ma Tanu:+
“O Tanu o le tamaʻi leona.+
E oso mai o ia mai i Vasana.”+
23 Ua ia faapea atu e tusa ai ma Nafatali:+
“Ua lotomalie Nafatali ona ua taliaina o ia
Ma ua tumu i faamanuiaga mai iā Ieova
Ia fai mo ia le itu i sisifo ma le itu i saute.”+
24 Ua ia faapea atu e tusa ai ma Asera:+
“Ua faamanuiaina Asera i ni atalii.+
Ia avea o ia ma se tasi ua taliaina e ona uso,+
O lē na te fufui lona vae i le suāuu.+
25 O le uʻamea ma le ʻapamemea o loka ia o lau pā,+
E tusa foʻi ou aso ma aso e te savali lemū ai.
26 E leai se tasi e tusa ma le Atua moni+ o Iesuruna,+
O lē e tiʻetiʻe i luga o le lagi e fai ma fesoasoani iā te oe+
I luga foʻi o lagi puaoa i lona mamalu.+
27 O lou lafitaga o le Atua mai i anamuā,+
Ma o loo i ou lalo ifo aao o le faavavau.+
E na te tulia foʻi ou fili mai i ou luma,+
Ma o le a fetalai mai o ia, ‘Ia faaumatia i latou!’+
28 E nonofo Isaraelu ma le saogalemu,+
E iai na o le vaipuna o Iakopo,+
I luga o se laueleele o fatu ma uaina fou.+
Ioe, o lona lagi foʻi e totō ifo ai le sau.+
O ai se tasi e pei o oe,+
O le nuu ua fiafia i le faaolataga a Ieova,+
O le talita e fesoasoani iā te oe,+
O Lē foʻi ua fai ma ou pelu malosi?+
E gatete ou fili i ou luma,+
A o oe e te solia a latou mea maualuluga.”+