1 Nofoaiga a Tupu
16 Ua latou aumaia+ le atolaau a le Atua moni ma tuu i totonu o le faleʻie na faatū e Tavita e tuu ai;+ ma ua latou osia foʻi taulaga mū ma taulaga faifaatasi i luma o le Atua moni.+ 2 Ina ua uma ona faia e Tavita le taulaga mū+ ma taulaga faifaatasi,+ ona ia faamanuia+ lea o le nuu i le suafa o Ieova.+ 3 Ua ia tufatufa+ atu foʻi i tagata Isaraelu uma, o tane atoa ma fafine, ia tofu tagata taʻitoʻatasi ma le falaoa lapotopoto, ma le keke e faia i fua o le pama, ma le keke vine. 4 Ona ia tuuina lea o nisi o le ʻau sa Levī+ i luma o le atolaau a Ieova e auauna+ ai, ina ia faamanatu+ ai iā i latou galuega a le Atua, ia faafetai+ ai ma vivii+ iā Ieova le Atua o Isaraelu, 5 o Asafo+ le taʻimua, o lona lua atu iā te ia o Sakaria, o Ieielu, o Semiramota, o Ikielu, o Maatatia, o Eliapo, o Penaia, o Opete-etoma, ma Ieielu,+ faatasi ma meafaifaaili e iai manoa, ma kitara,+ a o Asafo+ na tāina leotele sumepalo,+ 6 o Penaia ma Iaaseelu o ositaulaga ia na iai pū,+ sa la iai pea i luma o le atolaau o le feagaiga a le Atua moni.
7 O le aso lenā na fatuina+ ai e Tavita se salamo mo le uluaʻi taimi, e faafetai+ atu ai iā Ieova e ala iā Asafo+ ma ona uso:
8 “Ia outou faafetai atu iā Ieova;+ ia valaau atu i lona suafa,+
Ia faailoa atu ana galuega i nuu!+
9 Inā pepese+ atu ia iā te ia, ia fai pesega iā te ia,+
Inā manatunatu ia outou i ana galuega ofoofogia uma.+
10 Ia outou mitamita i lona suafa+ paia,+
Ia olioli foʻi loto o i latou e saʻiliʻili iā Ieova.+
11 Inā saʻili atu ia iā Ieova ma lona malosi,+
Ia saʻili atu pea iā te ia.+
12 Ia manatua ana galuega ofoofogia na ia faia,+
O ana vavega ma iʻuga o faamasinoga a lona fofoga,+
13 Le fanau e, a Isaraelu lana auauna,+
O outou o atalii o Iakopo, o ē na ia filifilia.+
14 O ia o Ieova lo tatou Atua;+ o i le lalolagi uma iʻuga o ana faamasinoga.+
15 Ia manatua lana feagaiga i aso uma lava,+
O le upu na ia poloaʻi mai ai i le faitau afe o tupulaga,+
16 O le feagaiga lea na ia osia ma Aperaamo,+
Ma le upu o lana tautoga iā Isaako.+
17 O le upu lea na ia faatumauina e avea o se tulafono iā Iakopo,+
O se feagaiga foʻi ma Isaraelu i aso uma lava,+
18 E faapea, ‘Ou te tuuina atu iā te oe le laueleele o Kanana,+
O le vaega lea o lo outou tofi.’+
19 Na faia lenei mea ina o toʻaitiiti outou,+
Ioe, e matuā toʻaitiiti lava, ma o tagata ese outou i le nuu.+
20 Na latou fesavaliaʻi solo mai i lea atunuu i lea atunuu,+
Mai le tasi foʻi malo i le isi malo.+
21 E na te leʻi tuuina atu i se tasi e faoa a latou mea,+
Ae na ia aʻoaʻia tupu ona o i latou,+
22 E faapea, ‘Aua neʻi o outou fetagofi atu i ē ua ou faauuina,
Aua foʻi neʻi o outou faia se mea leaga i aʻu perofeta.’+
23 Inā pepese atu ia iā Ieova, o outou uma o i le lalolagi!+
Ia faalauiloa atu i lea aso ma lea aso le faaolataga mai iā te ia!+
24 Ia taʻutaʻu atu i nuu lona mamalu,
Ma ana galuega ofoofogia i nuu uma lava.
25 Auā e sili Ieova ma e tatau ona matuā viia o ia,+
E ao foʻi ona matataʻu iā te ia e sili atu i lo o isi atua uma.+
26 Auā o atua uma o nuu o atua e lē aogā.+
A o Ieova, na ia faia le lagi.+
27 O loo i ona luma le mamalu ma le matagofie,+
O loo i lona afioaga foʻi le malosi ma le olioli.+
28 Aiga e o nuu, ia outou avatu iā Ieova,
Ia avatu iā Ieova le mamalu ma le malosi.+
29 Ia avatu iā Ieova le mamalu o lona suafa,+
Inā ave ia se meaalofa ma ō atu i ona luma.+
Ia ifo atu iā Ieova i ofu paia.+
30 Ia matuā gatete* ona o ia, o outou o nuu uma o le lalolagi!
Ua matuā faatumauina foʻi le laueleele:
E lē maluelue lava.+
31 Ia olioli le lagi, ia olioli foʻi le lalolagi,+
Ia latou fai atu i nuu, ‘Ua fai Ieova ma tupu!’+
32 Ia taalili mai le sami ma mea uma o tumu ai,+
Ia olioli foʻi le fanua ma mea uma o tumu ai.+
33 Ia faapea foʻi ona alalaga fiafia mai laau o le vaomatua ona o Ieova,+
Auā ua afio mai o ia e faamasino le lalolagi.+
34 Ia faafetai atu iā Ieova, o outou le nuu, auā e lelei o ia,+
Auā e faavavau lava lona alofa faamaoni.+
35 Ia faapea atu, ‘Le Atua e, o lo matou faaolataga, ia e faaolaina i matou,+
Ma ia faapotopoto faatasi i matou, ia laveaʻiina i matou mai i nuu,+
Ina ia faafetai atu i lou suafa paia,+ ma vivii atu ma le olioli iā te oe.+
36 Ia viia Ieova le Atua o Isaraelu mai i le vavau e oo i le faavavau.’”+
Ona faapea atu lea o le nuu uma, “Amene!” ma avatu le viiga iā Ieova.+
37 Ona ia tuu ai lea i inā i luma o le atolaau o le feagaiga a Ieova, o Asafo+ ma ona uso e auauna+ e lē aunoa i luma o le Atolaau, e tusa ma mea e manaʻomia i aso taʻitasi;+ 38 o Opete-etoma ma ona uso, e toʻaono sefulu valu, o Opete-etoma le atalii o Iutana ma Hosa, e fai ma leoleo faitotoʻa; 39 ma Satoka+ le ositaulaga, ma ona uso o ositaulaga i luma o le faleʻie paia o Ieova i le mea maualuga sa i Kipeona,+ 40 ina ia ofo atu e lē aunoa taulaga mū iā Ieova i luga o le fata faitaulaga o taulaga mū, i le taeao ma le afiafi, ma faia mea uma ua tusia i le tulafono a Ieova lea na ia poloaʻi mai ai iā Isaraelu;+ 41 na faatasi ma i latou o Hemana,+ o Iutana, ma ē na totoe o tagata filifilia na tofia+ e tusa ma o latou igoa, e faafetai atu iā Ieova,+ auā “e alofa faamaoni o ia i aso uma lava”;+ 42 na faatasi ma i latou o Hemana+ ma Iutana,+ e ili pū,+ ma tā sumepalo ma meafaifaaili o le pese a le Atua moni; a o atalii+ o Iutana sa i le pā. 43 Ona ō lea o le nuu uma ua taʻitasi ma alu i lona lava fale.+ Ae na toe foʻi mai Tavita e faamanuia i lona lava aiga.