1 Nofoaiga a Tupu

17 Ua nofo Tavita i lona lava fale,+ ona fai atu lea o Tavita i le perofeta o Natano:+ “O lenei o loo oʻu nofo i le fale arasi,+ ae o loo tuu le atolaau+ o le feagaiga a Ieova i faleʻie.”+ 2 Ona fai mai lea o Natano iā Tavita: “O mea uma ua e finagalo i ai, ia faia lava,+ auā o loo faatasi le Atua moni ma oe.”+

3 I lenā lava pō, na oo mai ai le afioga+ a le Atua iā Natano, e faapea: 4 “Inā alu ia ma e fai atu i laʻu auauna o Tavita, ‘O le mea lenei na fetalai mai ai Ieova: “E te lē faia se fale mo aʻu ou te nofo ai.+ 5 Auā ou te leʻi nofo i se fale mai i le aso na ou ave aʻe ai Isaraelu e oo mai i le aso nei,+ ae na ou nofo pea i lea faleʻie ma lea faleʻie, ma lea fale feaveaʻi+ i le isi fale feaveaʻi.+ 6 O aso uma na ou fealuaʻi+ ai i Isaraelu uma, pe na ou fai atu ea se upu e tasi i se tasi o faamasino o Isaraelu, o lē na ou poloaʻi e leoleoina loʻu nuu, e faapea, ‘Aiseā na outou lē faia ai se fale arasi mo aʻu?’”’+

7 “O lenei, ia faapea ona e fai atu i laʻu auauna o Tavita, ‘O le mea lenei na fetalai mai ai Ieova o ʻau: “Na ou aumaia oe mai i le fanua e aai ai lafumanu, mai i le mulimuli atu i le lafu mamoe,+ e avea ma taʻitaʻi+ o loʻu nuu o Isaraelu. 8 Ou te faatasi ma oe i mea uma e te alu i ai,+ ou te faaumatia foʻi ou fili+ uma i ou luma; ma ou te faia lava mo oe se igoa,+ e pei o igoa o alii sili i le lalolagi.+ 9 Ou te tofia foʻi se mea e nonofo ai loʻu nuu o Isaraelu, ma ou faatumauina i latou,+ e nonofo lava i latou i le mea o iai, e lē toe atuatuvale i latou; e lē toe faatigāina foʻi i latou e fanau a ē e amiolētonu,+ e pei o aso ua mavae,+ 10 e amata mai lava i aso na ou tofia ai faamasino+ e pule i loʻu nuu o Isaraelu. Ou te faamaulaloina lava ou fili+ uma. Ou te fai atu foʻi iā te oe, ‘O le a faia e Ieova se aiga mo oe.’+

11 “‘“Pe a faaatoaina ou aso ma e faatasi atu i ou augātamā,+ ou te faatūina se tasi o lau fanau pe a mavae atu oe, o lou atalii+ lava, ou te faatumauina lava lana nofoaiga.+ 12 O ia lava lenā e na te faia se fale mo aʻu,+ ou te matuā faatumauina foʻi lona nofoālii i aso uma lava.+ 13 E fai aʻu ma ona tamā,+ e fai foʻi o ia ma oʻu atalii;+ ou te lē aveesea foʻi loʻu alofa faamaoni iā te ia,+ e pei ona ou aveesea mai i lē na muamua iā te oe.+ 14 Ou te faatumauina o ia i loʻu fale+ ma laʻu nofoaiga+ i aso uma lava, e tumau foʻi lona nofoālii+ i aso uma lava.”’”

15 E tusa ai o nei upu uma ma lenei faaaliga uma, na faapea ona tautala atu ai Natano iā Tavita.+

16 Ua mavae lenā, ona alu atu ai lea o le Tupu o Tavita ma nofo i lalo i luma o Ieova,+ ua faapea atu: “Ieova e le Atua, o ai ea aʻu nei,+ ma o ai foʻi loʻu aiga+ ua e faia ai le tele o mea mo i matou?+ 17 Le Atua e,+ e pei o se mea itiiti iā te oe+ ina ua e fetalai mai e faatatau i le aiga o lau auauna e mamao lava i le lumanaʻi,+ Ieova e le Atua, ua e silasila mai iā te aʻu e peiseaʻī o se tagata maualuga.+ 18 O le ā ea se isi mea e toe fai atu ai Tavita iā te oe ina ia faamamaluina ai lau auauna,+ auā ua e silafia lelei lau auauna?+ 19 Ieova e, ona o lau auauna ma e tusa ma lou lava finagalo,+ ua e faia ai nei mea tetele uma i le faailoa mai o mea tetele uma.+ 20 Ieova e, e leai se tasi e tusa ma oe,+ e leai foʻi se isi Atua e na o oe lava,+ e tusa ma mea uma ua faalogo i ai o matou taliga. 21 O ai foʻi se isi atunuu i le lalolagi e pei o lou nuu o Isaraelu,+ lea na laveaʻiina e le Atua moni e avea ma ona nuu,+ ma faia ai mo oe se suafa sili o mea tetele+ ma le mataʻutia, i le tuliesea o atunuu+ mai i luma o lou nuu lea na e laveaʻia mai i Aikupito? 22 Na e faia foʻi lou nuu o Isaraelu ma ou nuu+ i aso uma lava, na avea foʻi oe, Ieova e, ma o latou Atua.+ 23 O lenei, Ieova e, o le afioga ua e fetalai mai ai e faatatau i lau auauna ma lona aiga, ia e faataunuuina lava i aso uma ma ia faia e pei ona e fetalai mai ai. 24 Ia faatumauina lou suafa+ ma ia faasilisilia+ e oo i le faavavau, ina ia faapea ane ai tagata, ‘O Ieova o ʻau+ le Atua o Isaraelu,+ o le Atua iā Isaraelu,’+ ma ia tumau i ou luma+ le aiga o lau auauna o Tavita. 25 Auā o oe loʻu Atua, ua faaalia mai i lau auauna le fuafuaga e fai se fale mo ia.+ O le mea lea, ua mafai ai ona tatalo atu lau auauna i ou luma. 26 O lenei, Ieova e, o oe o le Atua moni,+ ma ua e folafola mai lenei mea lelei e faatatau i lau auauna.+ 27 Ia e talia mai ma faamanuia le aiga o lau auauna ina ia iai pea i ou luma i aso uma lava;+ auā o oe lava Ieova e, na faamanuia i ai, ma ua manuia ai i aso uma lava.”+