Salamo

26 Ieova e, ia e faamasino mai iā te aʻu+ auā ua ou savali e tusa ma loʻu faamaoni,+

Ma ou te faatuatua iā Ieova ina ia ou lē tautevateva ai.+

 2 Ieova e, ia e suʻesuʻeina aʻu ma ia e tofotofo iā te aʻu;+

Ia e faamamāina foʻi oʻu manatunatuga loloto* ma loʻu loto.+

 3 Auā ua i oʻu luma lou alofa faamaoni,

Ma ua ou savali i lau upu moni.+

 4 Ou te leʻi nofo faatasi ma tagata pepelo;+

Ou te leʻi alu faatasi ma tagata taufaaʻoleʻole.+

 5 Ua ou ʻinoʻino i le faapotopotoga o ē e fai mea leaga,+

Ou te leʻi nofo faatasi foʻi ma tagata amioleaga.+

 6 Ou te fafano oʻu lima ina ia iloa ai ua ou lē sala,+

Ieova e, ou te savali faataamilo foʻi i lou fata faitaulaga,+

 7 Ina ia lagona ai le leo o aʻu faafetai,+

Ma faalauiloa atu ai au galuega ofoofogia uma.+

 8 Ieova e, ou te fiafia i le fale o loo e afio ai+

Ma le mea o loo iai lou mamalu.+

 9 Aua e te faaumatia faatasi aʻu ma tagata agasala,+

Po o loʻu ola faatasi ma tagata ua nofosala i le toto,+

10 O ē o loo faia amioga matagā,+

Ma o ē foʻi o loo faia i o latou lima taumatau faiga faatogafalea.+

11 A o aʻu, ou te savali i loʻu faamaoni.+

Ia e laveaʻi iā te aʻu+ ma ia e finagalo malie mai iā te aʻu.+

12 E tutū lava oʻu vae i le mea laugatasi;+

Ou te vivii atu foʻi iā Ieova i totonu o faapotopotoga.+