O le Masekila. O le salamo a Tavita ina o iai o ia i le ana.+ O le tatalo.
142 Na ou valaau atu iā Ieova i loʻu leo mo se fesoasoani;+
Na ou ʻaiʻoi atu iā Ieova i loʻu leo.+
2 Na ou sasaa atu pea i ona luma oʻu popolega;+
Na ou taʻu atu pea foʻi i ona luma oʻu puapuaga,+
3 Ina ua vaivai loʻu loto+ i totonu iā te aʻu.
Ona e silafia ai lea o loʻu ala.+
O le ala o loo ou savali ai+
Ua latou natia ai se mailei mo aʻu.+
4 Ia silasila i le itu taumatau ma silafia ai
E leai lava se tasi ua ia amanaʻia mai aʻu.+
Ua lē toe iai se mea ou te sola i ai;+
Ua leai foʻi se tasi e fesili e uiga iā te aʻu.+
5 Ieova e, na ou valaau atu iā te oe mo se fesoasoani.+
Na ou faapea atu: “O oe o loʻu sulufaʻiga,+
O loʻu tofi+ i le nuu o ē e ola.”+
6 Ia e liuliualo mai i laʻu ʻaiʻoi atu,+
Auā ua ou matuā vaivai lava.+
Ia e laveaʻi iā te aʻu mai i ē e faasauā mai,+
Auā ua sili atu lo latou malolosi nai lo o aʻu.+
7 Ia e aveesea aʻu mai i le falepuipui+
Ina ia ou faaneenee atu ai i lou suafa.+
Ia siʻomia aʻu e ē amiotonu,+
Auā ua e agalelei mai iā te aʻu.+