Roma

15 A o i tatou o ē e malolosi, e tatau ona tatou tauave vaivaiga o ē e lē malolosi,+ ma aua neʻi faafiafia i o tatou lava loto.+ 2 Ia taʻitasi i tatou ma faafiafia i lona tuaoi i le mea lelei, ina ia atiaʻe ai o ia.+ 3 Auā e oo lava i le Keriso, na te leʻi faafiafia i lona lava loto;+ ae e pei ona tusia: “Ua oo mai iā te aʻu taufaifaiga a ē ua faifai iā te oe.”+ 4 Auā o mea uma na tusia i aso ua mavae, na tusia+ e faatonu ai i tatou,+ ina ia tatou maua le faamoemoe+ e ala i lo tatou tumau,+ ma le faamāfanafana+ mai o Tusitusiga Paia. 5 Ia foaʻi atu iā te outou e le Atua o lē ua tatou tumau ai ma aumaia ai faamāfanafanaga, le mafaufau lava lea e tasi+ sa iā Keriso Iesu, 6 ina ia outou faamamaluina faatasi+ ma le leo e tasi le Atua, o le Tamā lea o lo tatou Alii o Iesu Keriso.

7 Ia talia e le tasi le isi,+ e faapei foʻi ona talia i tatou e Keriso,+ ina ia faamamaluina ai le Atua. 8 Ou te fai atu ua avea Keriso ma auauna+ a i latou o ē ua peritomeina,+ ina ia faaalia ai le faamaoni o le Atua,+ ma faamaonia ai foʻi folafolaga+ na Ia faia i o latou augātamā, 9 ina ia faamamaluina ai foʻi e nuu ese+ le Atua ona o lona alofa mutimutivale.+ E pei ona tusia: “O le mea lea ou te taʻutaʻu atu ai oe i luma atunuu, ma ou te faia foʻi pesega i lou suafa.”+ 10 Ua ia toe faapea mai: “Ia olioli outou nuu uma faatasi ma lona nuu.”+ 11 Ua ia toe faapea mai foʻi: “O outou nuu ese uma, inā vivii atu ia iā Ieova, ma ia vivii atu tagata uma iā te ia.”+ 12 Ona toe faapea mai lea o Isaia: “O le a tulaʻi ai le aa o Iese,+ ma e oo mai foʻi lē e pule i nuu uma;+ e faamoemoe foʻi iā te ia o nuu uma.”+ 13 Tau ina ia faatutumuina outou i le olioli uma ma le filemu e le Atua e aumaia ai le faamoemoe ona ua outou talitonu, ina ia tupu tele ai lo outou faamoemoe i le mana o le agaga paia.+

14 Oʻu uso e, ua ou talitonu iā te outou, ua tumu outou i le mataalofa auā ua tele lo outou poto,+ ma ua mafai ai foʻi ona apoapoaʻi atu le tasi i le isi.+ 15 Peitaʻi, ua ou lototele e tusi atu ina ia toe faamanatu+ atu nisi o mea iā te outou. Ua ou faia lenei mea ona o le agalelei faifua ua tuuina mai e le Atua iā te aʻu.+ 16 Ua foaʻi mai iā te aʻu ina ia ou faia le galuega o le folafola atu o le tala lelei+ a le Atua, e avea ma auauna* a Keriso Iesu i nuu ese.+ Ua faia lenei galuega paia, ina ia ofoina+ atu nei nuu, o le taulaga e mālie i le Atua,+ lea ua faapaiaina i le agaga paia.+

17 O le mea lea ua ou matuā olioli ai iā Keriso Iesu,+ e tusa ai ma mea e uiga i le Atua.+ 18 Ou te lē taʻu atu se mea e tasi pe afai e lē o mea ia na faia e Keriso e ala iā te aʻu,+ ina ia usiusitaʻi+ nuu ese ona o aʻu upu+ ma galuega, 19 i le mana o faailoga ma mea ofoofogia+ ma le mana o le agaga paia; ua ou talaʻi māeʻaeʻa+ atu ai le tala lelei e uiga iā Keriso, mai i Ierusalema e oo atu lava i Iluriko.+ 20 O le mea lea ua ou manatu ai ina ia lē folafola atu le tala lelei i mea sa taʻua ai le suafa o Keriso, ina ia ou lē atiaʻe ai i luga o se faavae a se isi tagata;+ 21 ae e pei ona tusia: “E vāai o ē e leʻi folafolaina atu i ai le tala e faatatau iā te ia, e malamalama foʻi o ē e leʻi faalogo.”+

22 E tele foʻi taimi na taofia ai aʻu mai i le oo atu iā te outou.+ 23 A o lenei, ua lē o toe iai foʻi ni oganuu ou te leʻi talaʻi ai, ma e tele tausaga na ou manaʻo ai e fia feiloaʻi ma outou.+ 24 Pe a ou malaga atu i Sepania,+ ou te faamoemoe e feiloaʻi ma outou pe a ou malaga atu i inā, ma ia outou momoli*+ aʻu i lea mea, pe a faamalieina teisi aʻu i la tatou faatasiga. 25 A o lenei, ou te malaga atu i Ierusalema e auauna i le ʻaupaia.+ 26 A ua fiafia i latou o loo i Maketonia ma Akaia+ e tufa atu a latou meaalofa+ i ē e matitiva o le ʻaupaia o loo i Ierusalema. 27 E moni, ua fiafia i latou e fai lenā mea, ae e iai la latou tiute tauave iā i latou; auā afai na tofutofusia nuu ese i a latou mea faaleagaga,+ sa tatau la ona latou foaʻi atu e tusa ma mea e tatau ma o latou tino.+ 28 Pe a uma ona ou faia o lenei mea, ma momoli atu ma le saogalemu lenei meaalofa+ iā i latou, ona ou ui atu lea iā te outou pe a ou alu atu i Sepania.+ 29 Ua ou iloa foʻi pe a ou alu atu iā te outou, e tatau ona ou alu atu ma le tele o faamanuiaga mai iā Keriso.+

30 Uso e, ou te apoapoaʻi atu iā te outou i lo tatou Alii o Iesu Keriso ma le alofa o le agaga,+ ia tatou finafinau faatasi e tatalo i le Atua mo aʻu,+ 31 ina ia laveaʻiina+ aʻu mai i tagata lē talitonu o Iutaia, ma ia talia e le ʻaupaia+ laʻu auaunaga i Ierusalema.+ 32 Pe a ou alu atu iā te outou ma le olioli e tusa ma le finagalo o le Atua, ona faafouina+ faatasi ai lea o i tatou. 33 Tau ina ia faatasi ma outou uma le Atua o lē e foaʻiina mai le filemu.+ Amene.