Salamo
O le salamo a Tavita.
28 Ieova e, ou te valaau atu pea iā te oe.+
Loʻu Papa e, aua neʻi e lē faafofoga mai iā te aʻu,+
Ina neʻi e lē tali mai iā te aʻu+
Ona pei lea o aʻu o i latou ua ō ifo i le lua.+
2 Ia e faafofoga mai i le leo o aʻu ʻaiʻoiga pe a ou tagi atu mo se fesoasoani,
Pe a sisii aʻe foʻi oʻu lima+ i le potu pito i totonu o lou afioaga paia.+
3 Aua neʻi e tosina aʻu faatasi ma tagata amioleaga ma ē e faia mea e tigā ai,+
O i latou ia o ē e tautatala i le filemu i a latou aumea,+ ae o loo leaga o latou loto.+
4 Ia e avatu iā i latou e tusa ma a latou mea na fai+
E tusa foʻi ma le leaga o a latou gaoioiga.+
Ia e avatu iā i latou e tusa ma galuega a o latou lima.+
Ia taui atu iā i latou a latou mea na faia.+
5 Auā e latou te lē manatu mamafa i mea ua faia e Ieova,+
Po o galuega foʻi a ona aao.+
E na te lepetia i latou, e lē toe atiina aʻe.
6 Ia vivii atu iā Ieova, auā ua ia faafofoga mai i le leo o aʻu ʻaiʻoiga.+
7 O Ieova o loʻu malosi+ ma loʻu talita.+
Ua faatuatua iā te ia loʻu loto,+
Ma ua fesoasoani mai iā te aʻu, o le mea lea ua olioli ai loʻu loto,+
Ou te faaneenee atu foʻi iā te ia i laʻu pese.+