Ioane

10 “E moni, e moni, ou te fai atu iā te outou, O lē e lē ui mai i le faitotoʻa+ o le lotoā o mamoe, ae ui mai i se isi mea, o se tagata gaoi lea ma faomea.+ 2 A o lē e ui mai i le faitotoʻa,+ o ia lea o le leoleo+ o le lafu mamoe.+ 3 E tatala atu le faitotoʻa iā te ia e le leoleo faitotoʻa,+ ma e faalogo foʻi mamoe+ i lona leo, e na te valaau i igoa o ana mamoe ma taʻitaʻi ese atu. 4 Pe a ō mai uma i fafo ana mamoe, ona muamua atu lea o ia, ae mulimuli+ atu mamoe iā te ia, auā e iloa e mamoe lona leo.+ 5 E lē mulimuli atu mamoe i se tagata ese, ae sosola+ ese mai iā te ia, auā e lē iloa e mamoe leo o tagata ese.”+ 6 Ua fetalai atu Iesu iā i latou i lenei talafaatusa; ae e leʻi iloa e i latou le uiga o mea ua ia fetalai atu ai iā i latou.+

7 Ona toe fetalai atu lea o Iesu: “E moni, e moni, ou te fai atu iā te outou, O aʻu o le faitotoʻa+ o mamoe. 8 O i latou uma ua ō mai ma faaaogā sesē loʻu igoa, o i latou ia o ē e gāoi ma faomea;+ ae e lē faalogo mamoe iā i latou.+ 9 O aʻu o le faitotoʻa;+ o sē e ui mai iā te aʻu, e faaolaina o ia, ma e ulu atu o ia i totonu, ma toe ulufafo, ma maua le vao lelei e ʻai ai.+ 10 O lē e gaoi,+ e pau le mea e sau ai o ia, ina ia gaoi, fasi ma faaumatia.+ Ua ou sau ina ia latou maua le ola, ma saga maua atili ai. 11 O aʻu o le leoleo mamoe lelei;+ e foaʻi atu e le leoleo mamoe lelei lona ola mo mamoe.+ 12 A o le tagata faigaluega,+ e lē o le leoleo mamoe o ia, e lē o ia foʻi e ana ia mamoe, ua vaai atu o ia ua sau le luko, ona ia lafoaʻi lea o mamoe ae sola. Ua puʻe e le luko mamoe ma faataapeapeina.+ 13 Auā o ia o se tagata faigaluega,+ ma e lē manatu mamafa i mamoe.+ 14 O aʻu o le leoleo mamoe lelei, ua ou iloa aʻu mamoe,+ ma e iloa foʻi aʻu e aʻu mamoe,+ 15 e pei ona iloa aʻu e le Tamā ma ou iloa foʻi le Tamā;+ ua ou foaʻiina atu ai loʻu ola mo mamoe.+

16 “Ua iā te aʻu isi mamoe,+ o ē e lē o i lenei lotoā;+ e tatau foʻi ona ou aumaia i latou, ma latou te faalogo i loʻu leo,+ ona avea ai lea o i latou ma lafu e tasi, ma le leoleo mamoe e toʻatasi.+ 17 O le mea lea e alofa ai le Tamā iā te aʻu,+ auā ou te foaʻiina atu loʻu ola+ ina ia ou toe maua mai ai. 18 E leai se tasi na te aveesea loʻu ola mai iā te aʻu, ae ou te lotomalie e foaʻiina atu. Ua iā te aʻu le pule e foaʻi atu ai, ua iā te aʻu foʻi le pule e toe maua mai ai.+ Ua ou maua mai i le Tamā le poloaʻiga+ e tusa ai ma lenei mataupu.”

19 Ona o nei upu, ua toe vaeluaina+ ai foʻi tagata Iutaia. 20 E toʻatele i latou ua faapea ane: “Ua iā te ia se temoni+ ma ua valea. Aiseā tou te faalogo ai fua iā te ia?” 21 A ua faapea mai nisi: “E lē o ni upu nei a se tagata ua iai se temoni. E lē mafai e se temoni ona faapupula mata o se tagata ua tauaso, a ea?”

22 I lenā taimi, o loo faia ai i Ierusalema le tausamiga o le faapaiaga.* O le taimi lea o le tau mālūlū, 23 ma o loo savali Iesu i le malumalu i le faapaologa o Solomona.+ 24 Ona siʻo lea o ia e tagata Iutaia ma fesili mai iā te ia: “O afea ea e te taʻu mai ai iā i matou? Afai o oe o le Keriso,+ ia taʻu saʻo mai.”+ 25 Ua tali atu Iesu iā i latou: “Ua ou taʻu atu iā te outou, ae tou te lē talitonu. O galuega ia ou te faia i le suafa o loʻu Tamā, ua molimau iā te aʻu.+ 26 Peitaʻi, tou te lē talitonu lava, auā e lē o outou o ni aʻu mamoe.+ 27 E faalogo aʻu mamoe+ i loʻu leo, ua latou iloa aʻu, ma ua latou mulimuli mai iā te aʻu.+ 28 Ua ou foaʻi atu foʻi iā i latou le ola e faavavau,+ ma o le a lē faaumatia lava se tasi o i latou,+ ma e leai se tasi e faoa i latou mai i loʻu lima.+ 29 O i latou ua foaʻi mai e loʻu Tamā+ iā te aʻu, e sili atu ona tāua nai lo o isi mea uma,+ ma e leai se tasi e mafai ona faoa i latou mai i le lima o loʻu Tamā.+ 30 E tasi i maʻua ma le Tamā.”+

31 Ona toe fetagofi foʻi lea o tagata Iutaia i maa e fetogi iā te ia.+ 32 Ua faapea atu Iesu: “Na ou faaalia le tele o galuega lelei mai i loʻu Tamā iā te outou. O lē fea la o na galuega e tou te fetogia ai aʻu?” 33 Ua tali mai tagata Iutaia iā te ia: “E lē o ni galuega lelei e matou te fetogia ai oe, a o le upuleaga,+ auā o oe o le tagata, a ua e faia oe ma atua.”+ 34 Ua tali atu Iesu: “Pe e lē o tusia ea i la outou Tulafono,+ ‘Ua ou fai atu: “O atua outou”’?+ 35 Afai ua ia taʻua o ‘atua’+ i latou o ē ua oo atu i ai le afioga a le Atua, e lē mafai la ona faalēaogāina+ Tusitusiga Paia, 36 pe tou te fai mai la iā te aʻu o lē ua faapaiaina ma auina mai e le Tamā i le lalolagi, ‘Ua e upuleaga i le Atua,’ auā ua ou fai atu, o aʻu o le Atalii o le Atua?+ 37 Afai ou te lē o faia galuega+ a loʻu Tamā, aua tou te talitonu mai iā te aʻu. 38 Ae afai o oʻu faia ia galuega, e tusa lava pe tou te lē talitonu iā te aʻu, ae ia outou talitonu i galuega,+ ina ia outou iloa, ma iloa ai pea, e autasi le Tamā ma aʻu, o aʻu foʻi e autasi ma le Tamā.”+ 39 Ona latou toe taumafai foʻi lea e puʻe o ia;+ a ua maliu ese o ia mai iā i latou.+

40 Ua toe maliu atu o ia i le isi itu o Ioritana, i le mea na faia muamua ai e Ioane papatisoga,+ ma ua ia nofo ai i inā. 41 Ona ō mai lea o le toʻatele o tagata iā te ia, ma faapea mai: “E leʻi faia e Ioane se faailoga e tasi, ae e moni uma lava le tele o mea na fai mai ai Ioane e uiga i lenei tagata.”+ 42 Ua faatuatua foʻi le toʻatele iā te ia.+