Iosua

15 O le tofi+ o le ituaiga o le fanauga a Iuta e tusa ma o latou aiga e oo atu i le tuaoi o Etoma,+ o le toafa o Tisina,+ i vaipanoa o Nekepi,+ i le mea e gata mai ai i le itu i saute. 2 O lo latou tuaoi o le itu i saute e amata mai i le mea e gata ai le Sami Oona,+ e mai i le vaifagaloa o loo faasaga i le itu i saute. 3 E alu aʻe i le itu i saute i le aʻega o Akarava,+ e ui atu i Tisina+ ma alu aʻe mai i le itu i saute i Katesapanea,+ e ui atu i Esarona ma alu aʻe i Atara ma faataamilo i Karaka. 4 Ona ui atu lea i Asemoni+ ma alu atu i le ālia o Aikupito;+ ma e gata mai le tuaoi i le mea o iai le sami. O lo latou tuaoi lea i le itu i saute.

5 O le tuaoi i sasaʻe, o le Sami Oona lea e oo atu i le mea e gata mai ai Ioritana, ma o le tuaoi foʻi i le itu i mātū o le vaifagaloa o le sami, i le mea e gata mai ai Ioritana.+ 6 E alu aʻe le tuaoi i Peteokelu+ ma ui atu i le itu i mātū o Petearapa,+ ma alu aʻe i le maa o Poana+ le atalii o Reupena. 7 E alu aʻe le tuaoi i Tiperi i le fanua laugatasi o Akori+ ma liliu ane i le itu i mātū i Kilikala,+ lea e i luma o le aʻega o Atumema, i le itu i saute o le ālia; ma e ui atu foʻi le tuaoi i vai o Enesemesa,+ ma e gata mai i Enerokelu.+ 8 Ona alu aʻe lea o le tuaoi i le vanu o le atalii o Hinoma+ e oo atu i le malifa o tagata Iepusē+ i le itu i saute, o Ierusalema+ lea; ua alu aʻe foʻi le tuaoi i le tumutumu mauga lea e faasaga i le vanu o Hinoma i le itu i sisifo, i le mea e gata mai ai le fanua laugatasi o Rafaimi+ i le itu i mātū. 9 Ua faailoga le tuaoi mai le tumutumu mauga e oo atu i le vaipuna o Nafatoa,+ e alu atu i aai o le Mauga o Eferona; ma ua faailoga le tuaoi i Paalā,+ o Kiriata-iarima+ lea. 10 Ona faataamilo lea o le tuaoi mai i Paalā i le itu i sisifo e oo atu i le Mauga o Seira ma ui atu i le malifa o le Mauga o Iarima i le itu i mātū, o Kasalona lea; ona alu ifo lea i Petesemesa+ ma ui atu i Timenata.+ 11 E alu atu le tuaoi i le malifa o Ekerona+ i le itu i mātū, e faailoga foʻi le tuaoi i Sekerona ma ui atu i le Mauga o Paalā e alu atu i Iapenelu; ma e gata mai le tuaoi i le mea o iai le sami.

12 O le tuaoi i le itu i sisifo, o le Sami Tele+ lea ma lona talafatai. O le tuaoi lea o le fanauga a Iuta e tusa ma o latou aiga.

13 Na avatu e Kalepo+ le atalii o Iefune le tofi i le fanauga a Iuta e tusa ma le faatonuga a Ieova iā Iosua, o le laueleele o Kiriata-arapa (lea na taʻua o Arapa, le tamā o Anaki) o Heperona+ lea. 14 Ona tuliesea lea e Kalepo mai i inā o atalii e toʻatolu o Anaki,+ o Sesai,+ o Aimano ma Talemai,+ o ē na fananau mai iā Anaki.+ 15 Ona alu aʻe lea o ia mai i ē o loo nonofo i Tiperi.+ (O le igoa muamua o Tiperi o Kiriata-sapera.)+ 16 Ona faapea atu lea o Kalepo: “O le tagata e na te fasia ma faatoʻilaloina Kiriata-sapera, ou te avatu i ai loʻu afafine o Akesa+ e fai ma ana avā.” 17 Ona faatoʻilaloina ai lea e Otinielu+ le atalii o Kinasa+ le uso o Kalepo. Ona ia avatu lea o Akesa+ lona afafine e fai ma ana avā. 18 A o alu atu Akesa i le fale, ua ia faaoso pea iā Otinielu ina ia talosaga atu i lona tamā mo se fanua. Ua pati lima o Akesa a o tiʻetiʻe i le asini. Ona fai atu lea o Kalepo iā te ia: “O le ā le mea e te manaʻo ai?”+ 19 Ua faapea mai Akesa: “Ia tuuina mai iā te aʻu se faamanuiaga, auā o loo iai se fasi fanua i le itu i saute ua e tuuina mai iā te aʻu, ma e ao foʻi ona e tuuina mai iā te aʻu Kulomaima.” Ona ia tuuina atu lea iā te ia o Kulo i Luga ma Kulo i Lalo.+

20 O le tofi+ lea o le ituaiga o le fanauga a Iuta+ e tusa ma o latou aiga.

21 O aai tupito o le ituaiga o le fanauga a Iuta e agaʻi atu i le tuaoi o Etoma+ i le itu i saute o Kapeseelu+ lea, o Eteru, o Iakuri, 22 o Kina, o Timuna, o Akaka, 23 o Ketesa, o Hasora, o Itanana, 24 o Sifi, o Telema,+ o Paalota, 25 o Hasora-hatata, o Kiriota-hasaronu, o Hasora lea, 26 o Amama, o Sema, o Molata,+ 27 o Asara-kata, o Asamoni, o Petepaleta,+ 28 o Asara-suala,+ o Peresepa,+ o Pisetia, 29 o Paalā,+ o Iima, o Asema,+ 30 o Elitolita, o Kiselu, o Horema,+ 31 o Sekeleka,+ o Matamana, o Sanesana, 32 o Lepaota, o Seleima, o Aino,+ ma Rimoni;+ o aai uma e lua sefulu iva, faatasi ma nuu latou te nonofo ai.

33 O nuu nei na iai i vaipanoa o Sefila,+ o Esetaola,+ o Soraa,+ o Asena, 34 o Sanoa,+ o Enekanima, o Tapua, o Enama, 35 o Iaremuta,+ o Atulame,+ o Suka,+ o Aseka,+ 36 o Saraima,+ o Atitaima, o Ketere, ma Keteretaima; e sefulu fā aai ma nuu latou te nonofo ai.

37 O Senana, o Hatisa, o Meketala-kato, 38 o Tileano, o Mesepa, o Iokatielu, 39 o Lakisa,+ o Posekata,+ o Ekelona,+ 40 o Kapona, o Lakemase, o Kitelisa, 41 o Kiterota, o Petetakona, o Naana, ma Maketa;+ e sefulu ono aai ma nuu latou te nonofo ai.

42 O Lipena,+ o Etelu,+ o Asana, 43 o Iefeta, o Asena, o Nisepa, 44 o Kaila,+ o Akasepa,+ ma Maresa;+ e iva aai ma nuu latou te nonofo ai.

45 O Ekerona,+ o ona tamaʻi aai ma nuu latou te nonofo ai. 46 E mai Ekerona i le itu i sisifo o aai uma e latalata i Asetota ma nuu latou te nonofo ai.

47 O Asetota,+ o ona tamaʻi aai ma nuu latou te nonofo ai; o Kasa,+ o ona tamaʻi aai ma nuu latou te nonofo ai, e alu ifo i le ālia o Aikupito, o le Sami Tele ma le nuu tuaoi.+

48 O le vaega maugā o Samira, o Iatira,+ o Suka, 49 o Tāna, o Kiriata-sena, o Tiperi lea, 50 o Anapa, o Esetamoa,+ o Anina, 51 o Kosena,+ o Horona ma Kilo;+ e sefulu tasi aai ma nuu latou te nonofo ai.

52 O Arapi, o Tuma, o Eseana, 53 o Ianuma, o Petetapua, o Afeta, 54 o Umeta, o Kiriata-arapa, o Heperona+ lea, ma Seola; e iva aai ma nuu latou te nonofo ai.

55 O Meona,+ o Karamelu, o Sifi,+ o Iutaa, 56 o Isereelu, o Iakatoma, o Sanoa, 57 o Kaino, o Kipea, ma Timenata;+ e sefulu aai ma nuu latou te nonofo ai.

58 O Aliula, o Petesura, o Kitoru, 59 o Mearata, o Peteanota ma Aletekono; e ono aai ma nuu latou te nonofo ai.

60 O Kiriata-paala,+ o Kiriata-iarima+ lea, ma Rapa; e lua aai ma nuu latou te nonofo ai.

61 O nuu i le toafa o Petearapa,+ o Metina, o Sekaka, 62 o Nivasana, o le Aai o Masima, ma Enokati;+ e ono aai ma nuu latou te nonofo ai.

63 A o tagata Iepusē+ o ē o nonofo i Ierusalema,+ sa lē mafai e le fanauga a Iuta ona tuliesea;+ ma sa nonofo pea tagata Iepusē faatasi ma le fanauga a Iuta i Ierusalema e oo mai i aso nei.