2 Nofoaiga a Tupu
12 Ina ua matuā faatumauina+ le malo o Reopoamo ma ina ua malosi o ia, ona ia tuua ai lea o le tulafono a Ieova,+ e faapea foʻi Isaraelu+ uma o loo faatasi ma ia. 2 Ua oo i le tausaga lona lima o le nofoaiga a le Tupu o Reopoamo,+ ona alu aʻe ai lea o Sesaka+ le tupu o Aikupito e tau ma Ierusalema, (auā na latou lē faamaoni iā Ieova,)+ 3 e afe lua selau kariota,+ e toʻaono sefulu afe tagata tiʻetiʻe solofanua; ma le lē mafaitaulia+ o tagata na ō mai faatasi ma ia mai i Aikupito, o tagata Lipua,+ o tagata Suki, ma tagata Aitiope.+ 4 Ua ia faatoʻilaloina aai malupuipuia sa iā Iuta,+ ona oo atu ai lea i Ierusalema.+
5 Ona alu atu lea o Semaia+ le perofeta iā Reopoamo ma alii sili o Iuta, o ē na faapotopoto faatasi i Ierusalema ona o Sesaka, ua ia faapea atu iā i latou: “O le mea lenei ua fetalai mai ai Ieova, ‘Talu ai ua outou tuua aʻu,+ o le mea lea ou te tuua ai foʻi outou+ i le lima o Sesaka.’” 6 Ona faamaulalo+ ai lea o alii sili o Isaraelu ma le tupu, ua faapea atu: “E amiotonu Ieova.”+ 7 Ina ua silasila mai Ieova+ ua faamaulalo i latou, ona fetalai mai lea o Ieova iā Semaia,+ e faapea: “Ua faamaulalo i latou.+ Ou te lē faaumatia ai i latou, ae ua toeitiiti ona ou faasaoina loa lea o i latou, e lē oo atu foʻi loʻu ita iā Ierusalema e ala i le lima o Sesaka.+ 8 Ae e fai i latou ma ana auauna,+ ina ia o latou iloa ai le eseesega o laʻu auaunaga+ ma le auaunaga a malo o nuu.”+
9 Ona alu aʻe lea o Sesaka+ le tupu o Aikupito e faasagatau iā Ierusalema, ma ave ʻoa o le fale o Ieova+ ma ʻoa o le fale o le tupu.+ Ua ia ave mea uma lava; ua ia ave foʻi o talipupuni auro na faia e Solomona.+ 10 Ona faia lea e le Tupu o Reopoamo o talipupuni ʻapamemea e sui aʻi na mea, ma ua ia tuuina atu e pule ai alii sili o le ʻaufaafeao,+ o leoleo+ faitotoʻa o le fale o le tupu.+ 11 O taimi uma e alu atu ai le tupu i le fale o Ieova, e ō mai ai le ʻaufaafeao ma ave na mea, ma toe faafoʻi mai i le potu o le ʻaufaafeao.+ 12 Talu ai ua faamaulalo o ia, ua liliuese+ ai le toʻasā o Ieova mai iā te ia, ma e leʻi finagalo o ia e matuā faaumatia+ i latou. E lē gata i lea, sa iai mea lelei na faia e tagata o Iuta.+
13 Ua faamalosia pea e le Tupu o Reopoamo lona tulaga i Ierusalema ma pule ai pea; auā e fā sefulu tasi tausaga o Reopoamo+ ina ua fai o ia ma tupu, ma e sefulu fitu tausaga na pule ai o ia i Ierusalema, i le aai+ na filifilia e Ieova mai i ituaiga uma o Isaraelu e tuu ai lona suafa.+ O le igoa o lona tinā o Naana,+ o le fafine Amoni.+ 14 Ae na ia faia le mea leaga,+ auā e leʻi maumauaʻi lona loto e saʻili atu iā Ieova.+
15 A o le olaga uma o Reopoamo, o mea muamua ma mea mulimuli,+ po ua lē o tusia ea i upu a Semaia+ le perofeta, ma Ito+ lē e faamatalaina faaaliga e ala i tusi o gafa? Sa iai foʻi taua i le va o Reopoamo+ ma Ierepoamo+ i taimi uma. 16 Mulimuli ane, ua taoto Reopoamo faatasi ma ona augātamā,+ ma ua tanu i le Aai a Tavita;+ ona pule lea o Avia+ lona atalii e sui iā te ia.