Salamo

43 Le Atua e, ia e faamasino mai iā te aʻu,+

Ma ia e faia loʻu faamasinoga+ faasaga i le nuu lē faamaoni.

Ia e saunia foʻi se mea ou te sao ai mai i le tagata taufaasesē ma le lē amiotonu.+

 2 Auā o oe, o le Atua o loʻu malosi.+

Aiseā ua e lafoaʻia ai aʻu?

Aiseā foʻi ua ou savali ai ma le faanoanoa ona o omiga mai i loʻu fili?+

 3 Ia e aauina atu lou malamalama ma lau upu moni.+

Tau ina ia la taʻitaʻiina aʻu.+

Tau ina ia la avatu foʻi aʻu i lou mauga paia ma lou faleʻie paia sili.+

 4 Ou te alu atu i le fata faitaulaga o le Atua,+

Ou te vivii atu ma le olioli i loʻu Atua.+

Le Atua e, loʻu Atua, ou te faaneenee atu foʻi iā te oe i le kitara.*+

 5 Loʻu loto e, aiseā ua e atuatuvale ai,+

Ma aiseā foʻi ua e lē toʻafilemu ai i totonu iā te aʻu?

Inā faatalitali ia i le Atua,+

Auā ou te faaneenee atu iā te ia o lē e sili e na te faaolaina aʻu ma o loʻu Atua.+