O le salamo a Tavita.
138 Ou te faaneenee atu iā te oe ma loʻu lotoatoa.+
Ou te fai pesega iā te oe i luma o isi atua.+
2 Ou te ifo atu i lou malumalu paia,+
Ma ou faaneenee atu i lou suafa,+
Ona o lou alofa faamaoni+ ma lou faamaoni.+
Auā ua e faasilisilia lau afioga+ i lou lava suafa.+
3 Na e tali mai foʻi iā te aʻu i le aso na ou valaau atu ai;+
Na e faalototele mai iā te aʻu ma foaʻi mai le malosi.+
4 Ieova e, e faaneenee atu iā te oe tupu uma o le lalolagi,+
Auā ua latou faalogo i afioga a lou fofoga.
5 E latou te pepese foʻi e uiga i ala o Ieova,+
Auā e tele lava le mamalu o Ieova.+
6 Auā e maualuga Ieova, a ua silasila mai o ia i le tagata lotomaulalo;+
Ae peitaʻi, e silafia mamao mai e ia o lē ua faafefeteina.+
7 Afai ou te savali i totonu o puapuaga, e te faaola lava iā te aʻu.+
E te faaoo atu lou aao ona o le ita mai o oʻu fili,+
Ma e te faaolaina foʻi aʻu i lou aao taumatau.+
8 E faataunuu lava e Ieova o mea ua ia finagalo i ai mo aʻu.+
Ieova e, e faavavau lou alofa faamaoni.+
Aua e te tuulafoaʻiina galuega a ou aao.+