2 Nofoaiga a Tupu

6 Ona faapea atu lea o Solomona:+ “Na fetalai mai Ieova, e afio o ia i le pogisa tele;+ 2 a o aʻu, ua uma ona ou faia se fale, o se afioaga maualuga mo oe,+ o se nofoaga tumau mo oe, e te afio ai i aso uma lava.”+

3 Ona liliu atu lea o le tupu, ma faamanuia+ le faapotopotoga uma o Isaraelu, a o laulaututū+ mai le faapotopotoga uma o Isaraelu. 4 Ua faapea atu o ia: “Ia viia Ieova le Atua o Isaraelu,+ o lē na fetalai mai iā Tavita loʻu tamā,+ ma ua faataunuu+ e ona lava aao, e faapea, 5 ‘E mai lava i le aso na ou aumaia ai loʻu nuu mai i Aikupito, ou te leʻi filifilia se aai mai i ituaiga uma o Isaraelu, e faia ai se fale mo loʻu igoa+ ina ia iai pea i inā, ma ou te leʻi filifilia se tagata ina ia fai ma taʻitaʻi o loʻu nuu o Isaraelu.+ 6 Ae ua ou filifilia Ierusalema+ mo loʻu igoa ina ia iai pea i inā, ma ua ou filifilia Tavita ina ia pule i loʻu nuu o Isaraelu.’+ 7 Sa naunau le loto o Tavita loʻu tamā e fausia se fale mo le suafa o Ieova le Atua o Isaraelu.+ 8 A ua fetalai mai Ieova i loʻu tamā o Tavita, ‘Auā ua naunau lou loto e fausia se fale mo loʻu igoa, ua lelei lea auā ua naunau i ai lou loto.+ 9 Ae peitaʻi, e te lē faia le fale,+ a o lou atalii o lē e fanau* mai iā te oe, o ia e na te faia le fale mo loʻu igoa.’+ 10 Ua faataunuu e Ieova lana afioga+ na ia fetalai mai ai ina ia ou tulaʻi e sui i loʻu tamā o Tavita,+ ma nofo i le nofoālii+ o Isaraelu e pei ona fetalai mai ai Ieova,+ ma ia ou faia se fale mo le suafa o Ieova le Atua o Isaraelu,+ 11 ina ia ou tuu ai le Atolaau,+ o loo iai le feagaiga a Ieova lea na ia osia ma le fanauga a Isaraelu.”+

12 Ona tū lea o ia i luma o le fata faitaulaga a Ieova, i luma o le faapotopotoga uma o Isaraelu,+ ma ua faaloaloa aʻe ona lima.+ 13 (Auā na faia e Solomona se tulaga+ ʻapamemea ma tuu i le ogatotonu o le lotoā tele.+ O lona umi e lima kupita, o lona lautele e lima kupita, ma lona maualuga e tolu kupita; ua ia tū ai foʻi i luga.) Ona ia tootuli+ lea i luma o le faapotopotoga uma o Isaraelu, ma faaloaloa aʻe ona lima i le lagi.+ 14 Ua ia faapea atu: “Ieova e, le Atua o Isaraelu,+ e leai se Atua e pei o oe+ i le lagi po o le lalolagi, ua e tausia le feagaiga,+ ma ua e alofa faamaoni i au auauna o ē e savavali i ou luma ma o latou lotoatoa;+ 15 o oe lava ua e tausia le mea na e folafola mai i lau auauna o Tavita loʻu tamā,+ ina ua e folafola mai i lou fofoga, o lou aao foʻi na e faataunuuina ai, e pei ona faia i le aso nei.+ 16 O lenei, Ieova e, le Atua o Isaraelu, ia e tausia le mea na e folafola mai i lau auauna o Tavita loʻu tamā, e faapea, ‘E lē teʻa mai i oʻu luma se tasi o lau fanau e nofo i le nofoālii o Isaraelu,+ tau lava ina ia tausia e lau fanau+ o latou ala, i lo latou savavali i laʻu tulafono+ e pei ona e savali i oʻu luma.’+ 17 O lenei, Ieova e, le Atua o Isaraelu,+ ia faamaonia+ lau folafolaga+ na e folafola ai i lau auauna o Tavita.

18 “Ae pe e afio moni ea le Atua faatasi ma tagata i le lalolagi?+ Faauta! O le lagi, ioe, o le lagi o lagi e te lē ofi ai;+ e lē atili ai ea ona e lē ofi i lenei fale ua ou faia!+ 19 Ieova e, loʻu Atua, ia e liuliualo mai i le tatalo a lau auauna+ ma lana talosaga atu mo lou finagalo malie,+ ia faafofoga mai i le ʻaiʻoi atu,+ ma le tatalo ua tatalo atu ai lau auauna i ou luma,+ 20 ina ia silasila mai ia ou fofoga+ i lenei fale i le ao ma le pō, i le mea na e fetalai mai ai e tuu ai lou suafa,+ i lou faafofoga mai i le tatalo ua tatalo atu ai lau auauna i lenei mea.+ 21 Ia e faafofoga mai i le ʻaiʻoi atu a lau auauna+ ma lou nuu o Isaraelu ua latou tatalo atu ai mai i lenei nofoaga,+ ia e faafofoga mai foʻi i le mea o e afio ai mai i le lagi;+ ia e faafofoga mai ma ia faamagalo mai.+

22 “Pe afai e agasala se tagata i lona uso a tagata,+ ma ua ia fetuu ai iā te ia, ma ua faasalaina o ia ona o le fetuu,+ pe a sau o ia i luma o lou fata faitaulaga i lenei fale ina ua fetuuina o ia,+ 23 ia e faafofoga mai i le lagi,+ ia e faamasino+ i au auauna i le taʻusalaina o lē e amioleaga i le taui atu iā te ia+ e tusa ma le mea na ia faia, ma ia e taʻuamiotonuina lē ua amiotonu+ i le taui atu iā te ia e tusa ai o lana amiotonu.+

24 “Afai e faatoʻilaloina lou nuu o Isaraelu i luma o fili,+ ona o le agasala pea iā te oe,+ afai latou te toe foʻi mai iā te oe,+ ma vivii i lou suafa,+ ma tatalo,+ ma talosaga atu mo lou finagalo malie i ou luma i lenei fale,+ 25 ia faafofoga mai oe mai i le lagi,+ ma e faamagalo+ le agasala a lou nuu o Isaraelu, ia e toe faafoʻi+ mai i latou i le laueleele na e foaʻi mai iā i latou ma o latou augātamā.+

26 “Pe a punitia le lagi ma ua leai se timu,+ auā ua latou agasala+ pea iā te oe, e latou te tatalo atu foʻi i lenei mea,+ ma faaneenee atu i lou suafa, e latou te liliuese foʻi mai i a latou agasala auā ua e faapuapuagatia i latou,+ 27 ia e faafofoga mai oe mai i le lagi, ma e faamagaloina le agasala a au auauna, o lou nuu o Isaraelu, auā ua e aʻoaʻoina+ i latou i le ala lelei+ latou te savavali ai; ia e foaʻi mai foʻi le timu+ i lou laueleele na e foaʻi mai i lou nuu e fai ma o latou tofi.+

28 “Pe afai e oo mai le oge+ i le nuu, pe oo mai le faamaʻi,+ afai foʻi e oo mai le lāmala,+ o polopologā,+ o sē akerise,+ ma mogamoga;+ ma afai e siʻosiʻomia i latou e o latou fili+ i o latou aai,+ o so o se mala po o so o se faamaʻi,+ 29 o tatalo+ uma, o talosaga+ uma foʻi mo lou finagalo malie e faia e so o se tagata po o lou nuu uma o Isaraelu,+ auā ua taʻitasi i latou ma iloa lona lava malaia+ ma lona tigā; ma pe a ia faaloaloa atu ona lima i lenei fale,+ 30 ia e faafofoga mai i le lagi i le mea o loo e afio ai,+ ia e faamagalo mai,+ ma foaʻi mai i tagata taʻitoʻatasi e tusa ma ona ala uma,+ auā ua e silafia lona loto+ (auā ua na o oe e silafia lelei loto o le fanau a tagata);+ 31 ina ia latou matataʻu+ ai iā te oe i le savavali i ou ala, i aso uma latou te ola ai i le fogāeleele na e foaʻi mai i o matou augātamā.+

32 “O le tagata ese foʻi, e lē o se tagata o lou nuu o Isaraelu,+ a ua sau mai i se nuu mamao ona o lou suafa sili,+ ma lou aao malosi,+ ma lou aao faaloaloa,+ a ua latou ō mai ma tatalo atu i lenei fale,+ 33 ia e faafofoga mai i le lagi i lou afioaga tumau,+ ia e faia mea uma lava ua talosaga atu ai le tagata ese iā te oe;+ ina ia iloa ai e tagata uma o le lalolagi lou suafa,+ ina ia matataʻu+ iā te oe e pei foʻi ona faia e lou nuu o Isaraelu, ma latou iloa ai ua taʻua lou suafa i lenei fale ua ou fausia.+

34 “Pe afai e ō atu lou nuu e tau+ ma o latou fili e tusa ma le auala ua e aauina+ atu ai i latou, ma afai latou te tatalo+ atu iā te oe e faasaga i lenei aai na e filifilia, ma le fale na ou faia mo lou suafa,+ 35 ia e faafofoga mai foʻi mai i le lagi i a latou tatalo ma a latou talosaga mo lou finagalo malie,+ ia e faia foʻi le faamasinoga mo i latou.+

36 “Afai latou te agasala iā te oe+ (auā e leai lava se tagata e lē agasala),+ ma ua e toʻatamaʻi ai iā i latou ma tuulafoaʻi i latou i le fili, e ave faapagota foʻi i latou e ē na puʻea i latou i se nuu mamao pe latalata;+ 37 ma afai e toe atamamai i latou i le nuu na ave faapagota i ai, ma toe foʻi mai lava ma talosaga atu mo lou finagalo malie i le nuu na ave faapagota+ i ai i latou, e faapea, ‘Ua matou agasala,+ ua matou sesē,+ ua matou fai amioleaga’;+ 38 afai foʻi latou te toe foʻi mai iā te oe ma o latou lotoatoa,+ ma o latou malosi atoa i le nuu o ē na aveina faapagota+ i latou, ma afai latou te tatalo atu i le ala o lo latou nuu na e foaʻi mai i o latou augātamā, o le aai na e filifilia,+ ma le fale na ou faia mo lou suafa;+ 39 ia e faafofoga mai i le lagi i lou afioaga tumau+ i a latou tatalo, ma a latou talosaga mo lou finagalo malie,+ ia e faia foʻi le faamasinoga+ mo i latou, ma ia e faamagalo+ lou nuu ua agasala atu iā te oe.

40 “O lenei, loʻu Atua e, faamolemole seʻi silasila mai ou fofoga+ ma e faafofoga+ mai i le tatalo e fai atu i lenei mea. 41 O lenei, Ieova e, le Atua, inā tulaʻi+ ia i lou mālōlōga,+ o oe ma le Atolaau o lou malosi.+ Ieova e, le Atua, ia oofu au ositaulaga i le faaolataga, ma ia olioli ou tagata faamaoni i mea lelei.+ 42 Ieova e, le Atua, aua neʻi ʻalo ou fofoga i lē na e faauuina.+ Ia e manatua le alofa faamaoni i lau auauna o Tavita.”+