Salamo

81 O outou le nuu e, ia outou alalaga fiafia i le Atua o lo tatou malosi;+

Inā alalaga ia i le manumalo i le Atua o Iakopo.+

 2 Inā usu ia le pese+ ma aumai le topa,*+

O le kitara* leo malie foʻi faatasi ma le meafaifaaili e iai uaua.+

 3 Ia outou ili le pū i le aso o le masina faatoʻā vaaia;+

I le atoa o le masina, i le aso o la tatou tausamiga.+

 4 Auā o le tulafono lea mo Isaraelu,+

O le iʻuga o le faamasinoga a le Atua o Iakopo.

 5 Na ia tuuina atu e fai ma faamanatuga iā Iosefa,+

Ina ua afio atu o ia i le nuu o Aikupito.+

Na ou faalogo ai pea i se gagana ou te leʻi iloaina.+

 6 “Na ou tuu ese le avega mai i lona tauʻau;+

Ma ona lima foʻi ua saʻoloto mai i le ato.+

 7 Na e valaau mai i lou puapuaga, ona ou laveaʻiina lea o oe;+

Na ou tali atu iā te oe mai i le mea lilo e iai faititili.+

Na ou tofotofo foʻi iā te oe i vai o Meripa.+ Selā.

 8 Loʻu nuu e, inā faalogo mai ia seʻi oʻu molimau atu iā te oe,+

Isaraelu e, pe afai e te faalogo mai iā te aʻu.+

 9 Aua neʻi iai se atua ese iā te oe;+

Aua foʻi e te ifo atu i se atua ese.+

10 O aʻu o Ieova, o lou Atua,+

O Lē na aveina aʻe oe mai i le nuu o Aikupito.+

Inā faamaga mai ia lou gutu, ona ou faatumuina ai lea.+

11 Ae e leʻi faalogo mai loʻu nuu i loʻu leo;+

E leʻi fia usiusitaʻi mai foʻi Isaraelu iā te aʻu.+

12 O lea na ou tuuina atu ai i latou i le maaa o o latou loto;+

Na latou savavali foʻi i mea na latou filifili i ai.+

13 E! ana faalogo mai loʻu nuu iā te aʻu,+

Pe ana savavali foʻi Isaraelu i oʻu ala!+

14 Ona faigofie lea ona ou faatoʻilaloina o o latou fili,+

Ma liliu atu loʻu lima i ē e ita iā i latou.+

15 A o i latou o ē e matuā feita iā Ieova, e latou te ō mai ma le gatete iā te ia,+

Ma e faavavau foʻi o latou aso.

16 E na te fafaga pea o ia i le saito e sili ona lelei,+

Ou te faamalie foʻi oe i le meli+ mai i le papa.”