Salamo
I le faatonu o le ʻaufaimusika. O le pese a Tavita. O le salamo.
68 Ia tulaʻi mai le Atua,+ ma ia faataapeapeina ona fili,+
Ia sosola foʻi ona o ia, o ē e matuā ʻinoʻino iā te ia.+
2 E pei ona lelea ese o le asu, ia faapea ona e tuliesea i latou;+
E pei foʻi ona liusuavai o le gaʻo* ona o le afi,+
Ia faapea foʻi ona fano o ē e amioleaga i luma o le Atua.+
3 A ia olioli o ē e amiotonu,+
Ia matuā fiafia i latou i luma o le Atua,+
Ma ia faaeaina i latou i le olioli.+
4 Ia outou pepese atu i le Atua, ia fai pesega i lona suafa;+
Inā usu ia se pese i Lē o loo tiʻetiʻe atu i fanua laugatasi o le toafa+
O Ioa, o lona suafa lea;+ ma ia olioli i ona luma;
5 O ia o le tamā o tamaiti e leai ni tamā, ma o le faamasino foʻi o fafine ua oti a latou tane+
O le Atua i lona afioaga paia.+
6 Ua faia e le Atua se fale e nonofo ai i latou ua tuua toʻatasi;+
Ua aumaia e ia o pagota ma faatamaoaigaina i latou.+
Ae peitaʻi, o ē ua faauamaaa, e nonofo i latou i le nuu naumati.+
9 Le Atua e, ua e faatotō ifo timuga tetele;+
Ma e ui ina vaivai lou tofi, a o oe na e toe faamalosia.+
11 Ua tulei mai le afioga a Ieova;+
O fafine e folafolaina atu le tala lelei, o le ʻautau e toʻatele i latou.+
12 E oo lava i tupu o ʻautau ua sosola, ua sosola i latou.+
A o le fafine o lē e nofo i le fale, e maua e ia o mea mai i le vete.+
13 E ui ina outou taooto pea i le va o faaputuga o mea ua faatafunaina,
Ae e iai se lupe ua ufitia ona apaʻau i le siliva
Ma ona fulu i le auro e samasama meamata.+
14 Ina ua faataapeapeina tupu i inā e Lē e ona le malosi uma lava,+
Ona toʻulu ai lea o le kiona i Salemone.+
15 O le vaega maugā o Vasana,+ o le mauga lea o le Atua;+
O le vaega maugā o Vasana, o le mauga lea e iai ona tumutumu.+
16 O outou mauga e, e iai tumutumu, aiseā ea ua outou vaavaai atu ai pea ma le matauʻa
I le mauga ua finagalo le Atua e afio ai?+
E afio ai Ieova i inā e faavavau.+
17 E faitau sefulu afe kariota a le Atua, ma e faitau afe foʻi.+
Ua afio mai Ieova mai i Sinai i le mea paia.+
Ua e aveina ai pagota;+
Ua e foaʻi mai meaalofa i tagata,+
E oo lava i ē e faauamaaa,+ ina ia e nofo faatasi ma i latou,+ Ioa e, le Atua.
19 Ia viia Ieova, o lē e tauaveina la tatou avega i aso taʻitasi,+
O le Atua moni o lo tatou faaolataga.+ Selā.
20 O le Atua moni, o le Atua e na te faaolaina i tatou;+
Ma o Ieova le Alii Pule Silisili Ese,+ o ia e faasaoina le tagata mai i le oti.*+
21 E moni o le Atua lava e na te tuʻimomomoina ulu o ona fili,+
O le tumuaʻi lauulua o le ulu o lē ua nofosala.+
22 Ua fetalai mai Ieova: “Ou te toe aumaia i latou mai i Vasana,+
Ou te toe aumaia foʻi i latou mai i mea loloto o le sami,+
24 Le Atua e, ua latou vāai i au solo o le manumalo,+
O solo o le manumalo a loʻu Atua, ma loʻu Tupu i lona afioaga paia.+
25 Na muamua atu i luma o ē e pepese, na mulimuli atu iā i latou o ē e tāina meafaifaaili e iai uaua;+
Sa i le va foʻi o teine na lūlūina topa.+
26 Ia vivii atu i le Atua i faapotopotoga o tagata e toʻatele,+
Ia vivii atu iā Ieova o outou o ē e mai i le Puna o Isaraelu.+
27 O loo iai le uii o Peniamina* ua pule iā i latou,+
O perenise o Iuta faatasi ma o latou motu o tagata e toʻatele o loo alalaga,
Atoa ma perenise o Sepulona, ma perenise o Nafatali.+
28 Ua poloaʻi mai lou Atua o le a tuuina atu iā te oe le malosi.+
Le Atua e, inā faailoa mai ia lou malosi, e pei ona e faia mo i matou.+
30 Inā aʻoaʻi ia le manufeʻai o loo i lalo o ū,+ atoa ma le lafu o povi poʻa,+
Faatasi ma tamaʻi povi a le nuu, o loo taʻitasi ma soli i siliva.+
Ua ia faataapeapeina le nuu e naunau i taua.+
31 E aumaia mea e fai i ʻapamemea mai i Aikupito;+
E vave foʻi ona faaloaloa atu e Kuso ona lima e avatu ai meaalofa i le Atua.+
33 I Lē o loo tiʻetiʻe i le lagi o lagi mai anamuā.+
Faauta! Ua tulei mai lona siʻufofoga, o le siʻufofoga malosi.+