Malaki
4 “O loo fotuaʻi mai le aso e mumū ai e pei o le ogaumu,+ ma e avea e pei o tagutugutu o saito o ē e faamaualuluga ma ē uma e faia mea leaga.+ E faatamaʻia i latou i le aso o loo fotuaʻi mai,” ua fetalai mai ai Ieova o ʻau, “e lē faatotoeina lava iā i latou se aa po o se ogālaau.+ 2 O outou o ē e matataʻu i loʻu igoa, o le a susulu atu iā te outou le lā o le amiotonu,+ e iai foʻi faamālōlōga i ona apaʻau;+ e tou te ō atu foʻi ma osooso i le laueleele e pei o tamaʻi povi pepeti.”+
3 “E tou te solia o ē e amioleaga, auā e avea i latou ma efuefu i lalo o o outou alofivae i le aso ou te gaoioi ai,”+ ua fetalai mai ai Ieova o ʻau.
4 “Ia outou manatua le tulafono a laʻu auauna o Mose na ou poloaʻi atu ai iā te ia i Horepa e faatatau iā Isaraelu uma, e oo lava i tuutuuga ma iʻuga o faamasinoga.+
5 “Faauta! O le mea lea ou te auina atu ai iā te outou o Elia le perofeta,+ a o leʻi oo mai le aso tele ma le mataʻutia o Ieova.+ 6 O le a ia faia loto o tamā e pei o loto o atalii, ma loto o atalii e pei o loto o tamā;* ina neʻi oʻu alu atu ma taia le lalolagi ma tuu atu ia faaumatia.”+