1 Nofoaiga a Tupu
19 Mulimuli ane, ina ua oti Naasa+ le tupu o le fanauga a Amoni, ona pule ai lea o lona atalii e sui iā te ia.+ 2 Ua faapea ane Tavita: “Ou te alofa faamaoni+ iā Anuni le atalii o Naasa, auā na alofa faamaoni lona tamā iā te aʻu.”+ Ona aauina atu lea e Tavita o avefeʻau e faamāfanafana iā te ia ona o lona tamā, ua oo atu foʻi auauna a Tavita i le nuu o le fanauga a Amoni+ iā Anuni e faamāfanafana iā te ia. 3 A ua fai atu perenise o le fanauga a Amoni iā Anuni: “E te manatu ea ua faaaloalo Tavita i lou tamā, ua ia aauina mai ai o ē e faamāfanafana iā te oe? Pe e lē ina ia matuā vaavaai ai i le nuu ma mataʻi+ mea uma o iai ona faatoʻilalo lea, ua māfua ai ona aauina mai ana auauna iā te oe?”+ 4 Ona ave lea e Anuni o auauna a Tavita+ ma tafi a latou ʻava,+ ma selei o latou ofu e gata ifo i o latou nofoaga,+ ona aauina ese atu lea o i latou.+ 5 Mulimuli ane, ua ō atu tagata ma taʻu atu iā Tavita e uiga i tamāloloa; ona ia auina atu lea o se tasi e faafetaiaʻi i latou, auā ua matuā māsiasi tamāloloa; ua faapea atu le tupu: “Ia outou nonofo i Ieriko+ seʻia toe tutupu a outou ʻava. Ona outou foʻi mai ai lea.”
6 Ua iloa e le fanauga a Amoni ua inosia+ e Tavita i latou, ona aauina atu lea e Anuni+ ma le fanauga a Amoni o taleni+ siliva e afe, e totogi ai ni kariota+ ma tagata tiʻetiʻe solofanua mai i Mesopotamia, o Aramamaaka,+ ma Sopa,+ mo i latou. 7 Ona latou totogi lea mo i latou o kariota+ e tolu sefulu lua afe, ma le tupu o Maaka ma ona tagata.+ Ua latou ō mai foʻi ma tolauapi i luma o Metepa;+ a o le fanauga a Amoni, ua latou faapotopoto faatasi mai i o latou aai ma ō mai i le taua.
8 Ina ua faalogo i ai Tavita, ona ia aauina atu loa lea o Ioapo,+ ma le ʻautau uma ma o latou tagata malolosi.+ 9 Ua ō ane le fanauga a Amoni ma faapotopoto faatasi e tau i le faitotoʻa o le aai, a o tupu+ na ō mai ua na o i latou i le fanua.
10 Ina ua iloa atu e Ioapo ua faasaga mai muaʻau o le taua i ona luma ma ona tua, ona ia tofia loa lea o nisi o tane ua filifilia o Isaraelu, ma faapotopoto faatasi i latou e tau ma tagata Suria.+ 11 A o isi na totoe o le nuu, ua ia tuuina atu i le lima o Apisai+ lona uso, ina ia faapotopoto faatasi i latou e tau ma le fanauga a Amoni.+ 12 Ona ia fai atu lea: “Afai e malolosi tele tagata Suria+ iā te aʻu, ona e sau lea e fesoasoani mai iā te aʻu;+ ae afai e malolosi tele le fanauga a Amoni iā te oe, ona ou fesoasoani lea iā iā te oe.+ 13 Ia faamalolosi,+ ina ia tatou lototetele ai mo lo tatou nuu, ma aai a lo tatou Atua;+ e faia lava e Ieova le mea e lelei i lana silafaga.”+
14 Ua ō atu Ioapo ma tagata sa iā te ia e tau ma Suria,+ ona latou sosola+ ese ai lea mai i ona luma. 15 Ua vāai atu le fanauga a Amoni ua sosola ese tagata Suria, ona latou sosola+ ai foʻi lea mai i luma o Apisai lona uso, ma ō atu i le aai.+ Mulimuli ane, ua toe foʻi mai Ioapo i Ierusalema.
16 Ina ua vāai atu tagata Suria ua faatoʻilaloina+ i latou i luma o Isaraelu, ona latou aauina atu lea o avefeʻau ma aumai i o latou luma o tagata Suria na i le itu o le Vaitafe,+ faatasi ma Sopaka le taʻitaʻiʻau a Atatesa.
17 Ina ua taʻu mai iā Tavita le tala, ona ia vave faapotopoto lea o Isaraelu uma ma sopoʻia atu Ioritana, ua ō atu iā i latou ma faapotopoto faatasi e tau ma i latou.+ Ina ua sauni Tavita i le taua e faafetaiaʻi tagata Suria, ona latou tau loa lea ma ia. 18 A ua sosola+ Suria ona o Isaraelu; ua fasiotia foʻi e Tavita tagata Suria e tau i kariota e toʻafitu afe, ma tagata savavali e toʻafā sefulu afe, na ia fasiotia foʻi Sopaka le taʻitaʻiʻau.+ 19 Ina ua iloa e auauna a Atasesa ua faatoʻilaloina i latou i luma o Isaraelu,+ ona latou faia loa lea o se leleiga ma Tavita ma auauna iā te ia;+ e leʻi toe taumafai atili Suria e faasao le fanauga a Amoni.+