2 Nofoaiga a Tupu

21 Mulimuli ane, ua taoto Iosefatu faatasi ma ona augātamā,+ ua tanu foʻi o ia faatasi ma ona augātamā+ i le Aai a Tavita; ona pule lea o Ioramo+ lona atalii e sui iā te ia. 2 Sa iai ona uso, o atalii o Iosefatu, o Asaraia, o Ikielu, o Sakaria, o Asaraia, o Mikaele, ma Sefatia, o i latou uma nei o atalii o Iosefatu le tupu o Isaraelu. 3 Na tuuina atu e lo latou tamā iā i latou le tele o meaalofa+ o siliva, o auro, ma mea mananaia, faatasi ai ma aai malupuipuia i Iuta;+ ae na ia tuuina atu le malo iā Ioramo,+ auā o ia o le ulumatua.+

4 Ina ua pule Ioramo i le malo o lona tamā, ona ia faamalosia lea o lona tulaga, ma ia fasiotia ai ona uso+ uma i le pelu, faapea foʻi ma nisi o alii sili o Isaraelu. 5 E tolu sefulu lua tausaga o Ioramo ina ua fai o ia ma tupu, ma e valu tausaga na ia pule+ ai i Ierusalema. 6 Na savali o ia i ala o tupu o Isaraelu,+ e pei ona faia e i latou i le aiga o Aapo; auā na fai le afafine o Aapo ma ana avā,+ ma na ia faia pea mea leaga i le silafaga a Ieova.+ 7 E leʻi finagalo Ieova e faaoo mai le faaumatiaga i le aiga o Tavita,+ ona o le feagaiga+ na ia osia ma Tavita, e pei ona ia fetalai mai ai e na te tuuina mai pea se lamepa iā te ia+ ma lana fanau.+

8 O ona aso, na fouvale ai Etoma+ i le pule a Iuta,+ ma ua faia ai foʻi se tupu e pule iā i latou.+ 9 Ua ō atu Ioramo faatasi ma ona alii, faapea foʻi kariota uma faatasi ma ia. Ona tulaʻi lea o ia i le pō ma fasiotia tagata Etoma na siʻosiʻomia o ia, ma alii e pule i kariota. 10 A ua fouvale pea Etoma i le pule a Iuta e oo mai i le aso nei. O le taimi lenā na fouvale ai foʻi ma le nuu o Lipena+ i lana pule, auā ua ia tuua Ieova le Atua o ona augātamā.+ 11 Ua ia faia foʻi mea maualuluga+ i luga o mauga o Iuta, ina ia faapogaia e ia tagata o Ierusalema e faia feusuaʻiga lē mamā,+ ina ia tuliesea ai e ia o Iuta.+

12 Ona aumai ai lea o se tusi+ iā te ia mai iā Elia+ le perofeta, e faapea: “O le mea lenei ua fetalai mai ai Ieova le Atua o Tavita lou augātamā, ‘Talu ai ua e lē savali i ala o Iosefatu+ lou tamā, po o ala o Asa+ le tupu o Iuta, 13 a ua e savali i ala o tupu o Isaraelu,+ ma faapogaia Iuta ma ē o nonofo i Ierusalema e faia feusuaʻiga lē mamā+ e pei ona faia e le aiga o Aapo, ua faapogaia ai le faia o feusuaʻiga lē mamā,+ ma ua e fasiotia+ ou lava uso o le aiga o lou tamā, o ē e sili atu ona lelei nai lo o oe; 14 faauta! o le a matuā taia+ e Ieova lou nuu,+ o ou atalii,+ o au avā, ma au oloa uma. 15 E iā te oe foʻi le tele o maʻi,+ e tupu foʻi le maʻi i lou gaʻau, seʻia paʻū mai i fafo lou gaʻau ona o le maʻi i lea aso ma lea aso.’”+

16 Ona faatupu lea e Ieova o le agaga+ fouvale o Filisitia+ ma Arapi+ o ē sa nonofo latalata i tagata Aitiope,+ e faasagatau iā Ioramo. 17 Ona latou ō aʻe lea i Iuta ma osofaʻia ma faoa oloa uma na maua i le fale o le tupu,+ atoa foʻi ma ona atalii ma ana avā,+ e leʻi totoe foʻi sona atalii seʻi vaganā ai Ioasasa+ lona atalii aupito itiiti. 18 Ua mavae nei mea uma, ona taia lea o ia e Ieova i se maʻi i lona gaʻau lea e leai se togafiti.+ 19 I le faagasologa o aso ina ua mavae le lua tausaga, ona paʻū ai lea i fafo o lona gaʻau+ a o maʻi o ia, ona iʻu ai lea ina oti o ia i lona maʻi tigāina; ma e leʻi faamūina e ona tagata ni mea mo ia, e pei ona faamūina+ o mea mo ona augātamā. 20 E tolu sefulu lua ona tausaga ina ua fai o ia ma tupu, ma e valu tausaga na pule ai o ia i Ierusalema. Ua oti o ia ae e leʻi alofagia+ e se tasi. Ona latou tanu lea o ia i le Aai a Tavita,+ ae e lē o fanuatanu o tupu.+