O le pese a Tavita.
29 O outou o atalii o ē e malolosi, ia tuuina atu ia iā Ieova,
Ia tuuina atu iā Ieova le mamalu ma le malosi.+
2 Ia tuuina atu iā Ieova le mamalu o lona suafa.+
Ia ifo atu foʻi iā Ieova i ofu paia.+
3 Ua i luga aʻe o vai le siʻufofoga o Ieova;+
Ua taalili mai le siʻufofoga o le Atua mamalu+ e pei o se faititili.+
O loo i luga aʻe o vai e tele Ieova.+
4 E malosi le siʻufofoga o Ieova.+
E mālie foʻi le siʻufofoga o Ieova.+
5 O le siʻufofoga o Ieova ua gauia ai arasi;
Ioe, ua gauia ninii e Ieova arasi o Lepanona,+
6 Ua ia faia i latou ia taufai osooso e pei o se tamaʻi povi,+
E taufai osooso foʻi Lepanona ma Siriona+ e pei o le fanau a povi poʻa taanoa.
7 O le siʻufofoga o Ieova e vaevae ai le mumū o le afi;+
8 O le siʻufofoga o Ieova e tetemū ai le toafa,+
Ua magumagu foʻi le toafa o Katesa+ ona o Ieova.
9 O le siʻufofoga o Ieova ua fananau ai ʻaila+
Ua valevalenoa ai foʻi le vaomatua.+
Ma i lona malumalu, ua taʻitoʻatasi ma faapea mai: “Ia faamamaluina le Atua!”+
10 Ua afio Ieova i luga o le lolo;+
Ma ua afio foʻi Ieova o le tupu e faavavau.+
11 E aumaia lava e Ieova le malosi i lona nuu.+
E faamanuia foʻi e Ieova lona nuu i le filemu.+