Salamo

46 O le Atua o lo tatou malu ma lo tatou malosi,+

O ia o le fesoasoani sili i taimi o puapuaga.+

 2 O le mea lea e tatou te lē fefefe ai, e ui ina suia le lalolagi+

Ma maluelue mauga ma solofa ifo i totonu o le sami tele;+

 3 E ui ina sousou ma piapiā ona suāsami,+

E ui foʻi ina lūlūina mauga i lona vāvāō.+ Selā.

 4 E iai ma se vaitafe, o ona magāvai e faafiafia ai tagata o le aai o le Atua,+

O le faleʻie matagofie e silisili ona paia o Lē e Silisili Ese.+

 5 O loo iai le Atua i totonu o le aai;+ e lē maluelue foʻi.+

E fesoasoani i ai le Atua i le malama aʻe o le taeao.+

 6 Ua vāvāō nuu+ ma ua fememeaʻi malo;

Ua tulei mai lona siʻufofoga, ma ua liusuavai ai le lalolagi.+

 7 Ua faatasi Ieova o ʻau ma i tatou;+

O le Atua o Iakopo, o lo tatou ʻolo e saogalemu ai.+ Selā.

 8 O outou le nuu e, inā ō mai ia e vaavaai i galuega a Ieova,+

Ua faia e ia o mea ofoofogia i le lalolagi.+

 9 Ua ia faaiʻuina taua i tuluʻiga o le lalolagi.+

Ua ia gauia foʻi le ʻaufana ma vaevaeina le tao;+

Ma ua ia susunuina i le afi o taavale toso.+

10 “O outou le nuu e, inā gauaʻi mai ia ma ia iloa o aʻu o le Atua.+

E faaeaina aʻu i nuu,+

E faaeaina foʻi aʻu i le lalolagi.”+

11 Ua faatasi Ieova o ʻau ma i tatou;+

O le Atua o Iakopo, o lo tatou ʻolo e saogalemu ai.+ Selā.