Salamo

93 Ua fai Ieova ma tupu!+

Ua ofu o ia i le mamalu;+

Ua ofu Ieova i le malosi ma ua fusia ai o ia.+

Ua matuā faatumauina foʻi le lalolagi ina ia lē maluelue.+

 2 Ua matuā faatumauina lou nofoālii talu mai anamua;+

O oe foʻi e mai i le vavau.+

 3 Ieova e, ua taalili mai vaitafe,

Ua taalili mai leo o vaitafe;+

Ua saga taalili mai le gogolo o vaitafe.+

 4 E sili ona maualuga Ieova,+

E sili ona malosi i lo o le leo o vai loloto, o galu maualuluga foʻi o le sami.+

 5 E matuā maufaatuatuaina au faamanatuga.+

E onomea lava ona paia o lou fale,+ Ieova e, e faavavau lava.+