Salamo

137 Na matou nonofo+ i auvai o vaitafe o Papelonia.+

Na matou fetagisi foʻi ina ua manatua Siona.+

 2 Na matou tautau ai i inā i luga o laau o garava+

A matou kitara.*+

 3 Auā o i latou na aveina faapagota i matou, ua latou fesili mai mo upu o le pese,+

Ma i latou na faifai mai iā i matou ina ia olioli ai,+ ua faapea mai:

“Ia outou usu mai iā i matou se pese o Siona.”+

 4 E mafai faapefea ona matou usuina le pese a Ieova+

I le laueleele ese?+

 5 Ierusalema e,+ afai e galo oe iā te aʻu,

Ia galo lava i loʻu lima taumatau.

 6 Ia pipii aʻe loʻu laulaufaiva i loʻu gutu,+

Pe afai ou te lē manatuaina oe,+

Pe afai foʻi ou te lē faasili Ierusalema

I mea uma ou te matuā fiafia i ai.+

 7 Ieova e, ia e manatua+ le fanauga a Etoma+ i le aso o Ierusalema,+

O ē na faapea ane: “Ia lepetia! Ia lepetia e oo lava i lona faavae!”+

 8 Le tama fafine a Papelonia e, o lē o le a faoa ana mea,+

E fiafia o lē e na te tauia oe+

E tusa ma mea na e faia iā i matou.+

 9 E fiafia lē e tago atu i lau fanau

Ma nutipala+ i latou i le papa.