Salamo
I le faatonu o le ʻaufaimusika o le nota maulalo.+ O le pese a Tavita.
12 Ieova e, ia e faaola mai iā te aʻu,+ auā ua uma tagata faamaoni;+
Auā ua mou atu tagata faamaoni mai i le fanau a tagata.
2 Ua latou tautatala pea o le tasi i le isi i mea e lē moni;+
Ua latou tautatala pea foʻi ma laugutu molemole+ ma le faalotolotolua.+
4 O ē ua faapea mai: “O o tatou laulaufaiva e tatou te mālō ai.+
O loo iā i tatou o tatou laugutu. O ai sē e pule mai iā i tatou?”
5 “Ona o le faileagaina o ē ua mafatia, ma ona o le mapuitigā foʻi o ē ua matitiva,+
O le a ou tulaʻi ai nei,” ua fetalai mai ai Ieova.+
“Ou te tuu o ia i le mea e saogalemu ai mai i so o se tasi e ʻataʻata faatauemu iā te ia.”+
6 O afioga a Ieova o afioga e mamā ia,+
E pei o le siliva ua faamamāina i le ogaumu i le eleele, e faafitu ona faamamāina.