2 Nofoaiga a Tupu
19 Ua toe foʻi atu ma le filemu+ Iosefatu le tupu o Iuta i lona fale i Ierusalema. 2 Ona sau lea i ona luma o Ieu+ le atalii o Hanani+ o lē e faamatalaina faaaliga,+ ma faapea mai i le Tupu o Iosefatu: “Pe e tuuina atu ea i ē e amioleaga le fesoasoani,+ ma pe e tatau ea ona e alofa+ iā i latou o ē e ita+ iā Ieova? O le mea lea, ua toʻasā+ ai Ieova iā te oe. 3 Ae peitaʻi, ua maua mea lelei+ iā te oe, auā ua e aveeseina pou paia mai i le nuu,+ ma ua e saunia foʻi lou loto e saʻili ai i le Atua moni.”+
4 Ua nofo pea Iosefatu i Ierusalema; ma ua ia toe alu atu i le nuu e amata mai i Peresepa+ e oo i vaega maugā o Efaraima,+ ina ia toe faafoʻi mai i latou iā Ieova le Atua o o latou augātamā.+ 5 Ua ia tofia foʻi faamasino i le nuu atoa i aai malupuipuia uma o Iuta, o lea aai ma lea aai.+ 6 Ona ia fai atu lea i faamasino: “Vaai lelei i mea o loo outou faia,+ auā e tou te lē o faamasino mo se tagata, a o Ieova;+ o loo faatasi o ia ma outou i mataupu tau faamasinoga.+ 7 O lenei, ia oo iā te outou+ le mataʻu iā Ieova.+ Ia outou gaoioi ma le faaeteete,+ auā e leai se amiolētonu+ iā Ieova lo tatou Atua, po o se faailoga tagata,+ po o ni faiga faaalatua.”+
8 Ua tuu foʻi e Iosefatu i Ierusalema nisi o sa Levī,+ o ositaulaga,+ ma nisi o ulu o aiga o o latou tamā+ i Isaraelu e faamasino+ i le suafa o Ieova, ma mataupu faaletulafono+ a tagata o loo nonofo i Ierusalema. 9 Ua ia poloaʻi atu foʻi iā i latou, e faapea: “Ia faapea ona outou faia ma le mataʻu+ iā Ieova, ma le faamaoni ma le lotoatoa. 10 A o mataupu faaletulafono uma e oo mai iā te outou mai i o outou uso o ē o loo nonofo i o latou aai, e aofia ai le faamasaatoto,+ e aofia ai le tulafono,+ o poloaʻiga,+ o tuutuuga,+ ma iʻuga o faamasinoga,+ ia outou lapataʻi atu iā i latou ina ia aua neʻi faia ni mea sesē iā Ieova, ina ia lē oo mai ai le toʻasā+ iā te outou ma o outou uso. Ia faapea ona outou faia ina ia outou lē nofosala ai. 11 O lenei, o Amaria le faitaulaga sili e pule iā te outou i mataupu uma a Ieova;+ o Sepatia le atalii o Isamaeli, o le taʻitaʻi lea o le aiga o Iuta i mea uma a le tupu; o sa Levī foʻi o leoleo ia mo outou. Ia faamalolosi+ ma ia gaoioi, ia faatasi foʻi Ieova+ i ē o loo faia mea lelei.”+