2 Nofoaiga a Tupu

34 E valu tausaga+ o Iosia+ ina ua fai o ia ma tupu, ma e tolu sefulu tasi tausaga na ia pule ai i Ierusalema.+ 2 Na ia faia mea ua tonu i le silafaga a Ieova+ ma savali i ala o Tavita lona augātamā;+ e leʻi liliuese foʻi o ia i le itu taumatau po o le itu tauagavale.+

3 I le tausaga lona valu o lana nofoaiga a o talavou+ lava o ia, na amata ai ona ia saʻili+ i le Atua o Tavita lona augātamā; ma i le tausaga lona sefulu lua, na ia faamamā+ ai mai i Iuta ma Ierusalema o mea maualuluga,+ o pou paia,+ o faatusa ua tā,+ ma tupua uʻamea. 4 Ua latou lepeti foʻi i lalo fata faitaulaga+ a Paala+ i ona luma; ua ia talepe i lalo fata faitaulaga o mea manogi+ sa i luga aʻe; ua ia tuʻininiia pou paia,+ o faatusa ua tā,+ ma tupua uʻamea, ma faaliuefuefu,+ ona lūlū lea i luga o fanuatanu o i latou sa fai taulaga atu i ai.+ 5 Ua ia susunu foʻi ponaivi+ o ositaulaga i luga o a latou fata faitaulaga.+ Ua ia faamamā ai Iuta ma Ierusalema.

6 E oo foʻi i aai o Manase,+ o Efaraima,+ o Simeona, e oo atu lava i Nafatali, ma o latou nofoaga uma ua faatafunaina, 7 ua ia lepeti i lalo fata faitaulaga,+ o pou paia,+ ma faatusa ua tā,+ ua ia nutililiia ma faaliuefuefu;+ ua ia talepe foʻi i lalo fata faitaulaga uma o mea manogi+ i le nuu atoa o Isaraelu, ona ia toe foʻi mai lea i Ierusalema.

8 I le tausaga lona sefulu valu+ o lana nofoaiga, ina ua ia faamamāina le nuu ma le fale, na ia auina atu ai Safana+ le atalii o Asalaia, o Maaseia le alii sili o le aai, o Ioaa le atalii o Ioaasa o lē e faia faamaumauga, ina ia toe faaleleia+ le fale o Ieova lona Atua. 9 Ua latou ō mai iā Hilikia+ le ositaulaga sili, ma avatu tupe ia na aumaia i le fale o le Atua, na aoaoina e sa Levī o leoleo faitotoʻa+ mai i lima o Manase,+ o Efaraima,+ o ē uma ua totoe o Isaraelu,+ o Iuta uma, o Peniamina, ma ē na nonofo i Ierusalema. 10 Ona latou tuu atu lea o tupe i lima o i latou e faia le galuega, o ē ua tofia e vaaia le fale o Ieova.+ Ona faaaogāina lea o tupe e i latou e faia le galuega o ē o loo toʻaʻaga i le fale o Ieova, ina ia teuteu ma toe faaleleia ai le fale. 11 Ua latou tuu atu tupe i le ʻautufuga ma le ʻaukamuta,+ ina ia faatau mai ai maa ua tipiina,+ o laupapa e faia ai sooga, ma faia ai laau faalava mo fale na faatamaʻia e tupu+ o Iuta.

12 Sa faamaoni+ tagata i le faia o le galuega; ma na tofia foʻi Iata ma Opetaia o sa Levī mai i le fanauga a Merari+ e vaavaaia i latou, ma Sakaria ma Mesulama mai i le fanauga a sa Koatō,+ e avea ma ovasia. A o sa Levī, e popoto i latou uma i le tāina o meafaifaaili,+ 13 ua latou vaavaaia o ē e ave avega,+ ma taʻimua+ o ē e faia le galuega mo auaunaga eseese; sa iai foʻi failautusi,+ o leoleo, ma leoleo faitotoʻa+ mai i le ʻau sa Levī.+

14 A o latou avatu le tupe+ na aumaia i le fale o Ieova, na maua ai e Hilikia+ le ositaulaga o le tusi+ o le tulafono+ a Ieova na tuuina mai e le lima o Mose.+ 15 Ona tali atu lea o Hilikia ua faapea atu iā Safana+ le failautusi: “Ua ou maua le tusi o le tulafono i le fale o Ieova.” Ona avatu lea e Hilikia le tusi iā Safana. 16 Ona aumai ai lea e Safana le tusi i le tupu, ma faapea mai i le tupu: “O mea uma ua tuuina atu i lima o au auauna, ua latou faia lava. 17 Ona latou sasaa atu lea o tupe na maua i le fale o Ieova, ma tuuina atu i lima o tane ua tofia ma lima o ē e faia le galuega.”+ 18 Ua taʻu mai e Safana le failautusi i le tupu e faapea: “E iai se tusi+ na aumai e Hilikia le ositaulaga iā te aʻu.”+ Ona faitau lea e Safana le tusi i luma o le tupu.+

19 Ina ua faalogo le tupu i upu o le tulafono, ona ia saeia loa lea o ona ofu.+ 20 Ua poloaʻi atu le tupu iā Hilikia,+ o Aikamo+ le atalii o Safana, o Apetonu le atalii o Mika, o Safana+ le failautusi,+ ma Asaia+ le auauna a le tupu, ua faapea atu: 21 “Inā ō ia ma fesili+ atu iā Ieova mo aʻu,+ ma ē ua totoe i Isaraelu ma Iuta, e faatatau i upu o le tusi+ na maua, auā ua matuā tele le toʻasā+ o Ieova e oo mai iā i tatou, talu ai e leʻi tausia e o tatou augātamā le afioga a Ieova, i le faia o mea uma o loo tusia i lenei tusi.”+

22 Ona ō atu lea o Hilikia faatasi ma i latou na fai atu ai le tupu iā Ulata+ le perofeta fafine,+ o le avā a Saluma le atalii o Tikeva, le atalii o Areasa, o lē e vaavaaia ofu,+ a o nofo o ia i Ierusalema i le itumalo lona lua; ona latou tautatala atu lea faapea iā te ia. 23 Ona fai mai lea o Ulata iā i latou:

“O le mea lenei na fetalai mai ai Ieova le Atua o Isaraelu, ‘Ia outou fai atu i le tagata na aauina mai outou iā te aʻu: 24 “O le mea lenei ua fetalai mai ai Ieova, ‘O aʻu lava ou te faaoo atu puapuaga+ i luga o lenei nuu ma ē o loo nonofo+ ai, o mala+ uma lava o loo tusia i le tusi na latou faitauina i luma o le tupu o Iuta,+ 25 talu ai ua latou tuua aʻu,+ ma faamū taulaga i isi atua+ ina ia o latou faatigā+ ai iā te aʻu i mea uma ua faia e o latou lima,+ ma oo atu ai loʻu ita tele+ i luga o lenei nuu, e lē toe tineia lava.’”+ 26 O le mea lenei e tou te fai atu ai i le tupu o Iuta o lē na aauina mai outou e fesili iā Ieova, “O le mea lenei ua fetalai mai ai Ieova le Atua o Isaraelu,+ ‘O upu+ na e faalogo i ai, 27 auā ua vaivai lou loto+ ma ua e faamaulalo+ ona o le Atua, i lou faalogo i ana upu e faatatau i lenei nuu ma ē o loo nonofo ai, ua e faamaulalo foʻi i oʻu luma+ ma saei+ ou ofu ma e tagi i oʻu luma, o aʻu lava ua ou faalogo+ ai, ua fetalai mai ai Ieova. 28 O lenei, ou te faatasia atu ai oe i ou augātamā, e faatasia atu foʻi oe ma le filemu+ i lou fanuatanu, e te lē vaai foʻi i puapuaga+ uma ou te aumaia i lenei nuu ma ē o loo nonofo ai.’”’”+

Ona latou taʻu mai lea o le tali i le tupu. 29 Ua alu atu le feʻau a le tupu, ona faapotopoto faatasi mai ai lea o toeaina uma o Iuta ma Ierusalema.+ 30 Ona alu aʻe lea o le tupu i le fale o Ieova,+ ua latou ō faatasi ma tagata uma o Iuta, o ē o loo nonofo i Ierusalema, o ositaulaga,+ o le ʻau sa Levī, ma le nuu uma, o ē e matutua ma ē e iti; ona ia faitauina+ lea o upu uma o le tusi o le feagaiga na maua i le fale o Ieova, a o latou faalogologo i ai.+ 31 Ua tū pea le tupu i lona tulaga+ ma ua ia osia le feagaiga+ i luma o Ieova, e mulimuli atu iā Ieova ma tausia ana poloaʻiga,+ o ana faamanatuga,+ ma ana tulafono+ ma lona lotoatoa+ ma lona tagata atoa,+ e faia+ ai upu uma o le feagaiga o loo tusia i lenei tusi.+ 32 Ua ia faia foʻi i latou uma o ē na iai i Ierusalema ma Peniamina, ina ia latou tausia na mea. Ona faia lea e i latou o loo nonofo i Ierusalema e tusa ma le feagaiga a le Atua, o le Atua o o latou augātamā.+ 33 Ua mavae ia mea, ona aveesea lea e Iosia o mea inosia+ uma lava mai i nuu sa i le fanauga a Isaraelu,+ sa iā te ia foʻi o ē uma i Isaraelu na faia le auaunaga, e auauna iā Ieova lo latou Atua. Ua latou lē liliuese foʻi mai i le mulimuli atu iā Ieova le Atua o o latou augātamā,+ i ona aso uma.