Salamo

 2 Auā ua tautala faasagatau mai iā te aʻu le gutu o le tagata amioleaga ma le gutu o lē e faaʻoleʻole.+

Ua latou tautatala e uiga iā te aʻu i le laulaufaiva pepelo.+

 3 Ua latou siʻomia aʻu i upu o le ʻinoʻino,+

Ma latou tau faasaga mai iā te aʻu e aunoa ma se māfuaaga.+

 4 Auā o loʻu alofa ua latou tetee mai ai pea iā te aʻu;+

Ae ou te tatalo pea.+

 5 Ua latou taui mai iā te aʻu i le leaga mo le lelei+

Ma le ʻinoʻino e taui ai loʻu alofa.+

 6 Ia tofia sē e amioleaga e pule iā te ia,

Ma ia tū pea i lona itu taumatau sē e tetee.+

 7 Pe a faamasinoina o ia, ia alu atu o sē e amioleaga;

Ma ia avea lana tatalo o se agasala.+

 8 Ia faaitiitia ona aso;+

Ia ave e se tasi lona tofi o se ovasia.+

 9 Ia avea ona atalii ma tama ua leai se tamā+

Ma lana avā ia avea ma fafine ua oti lana tane.+

10 Ia feoaʻi solo lana fanau;+

Ma ʻaisi i latou,

E saʻili foʻi a latou meaʻai mai i o latou nofoaga ua faatafunaina.+

11 Ia fai e lē ua ia nofo aitalafu ai+ ni mailei ina ia maua ai ana mea uma,

Ia faoa foʻi e tagata ese+ mea na ia tautigā ai.+

12 Ia aua neʻi faaalia e se tasi iā te ia le alofa faamaoni,+

Ia aua foʻi neʻi faaalia e se tasi le alofa i ona atalii ua leai se tamā.

13 Ia vavaeeseina o ē e tupuga mai iā te ia.+

Ia soloiesea foʻi o latou igoa i augātupulaga o loo mulimuli mai.+

14 Ia manatua e Ieova mea sesē a ona augātamā,+

Ma ia aua neʻi soloiesea+ le agasala a lona tinā.+

15 Ia iai pea i luma o Ieova a latou mea sesē;+

Ma ia tineia e ia le manatuaina o i latou mai i le lalolagi;+

16 Talu ai na ia lē manatua e faaalia le alofa faamaoni,+

Ae ua ia tulituliloa le tagata mafatia ma ua mativa+

Ma lē ua lotovaivai, ina ia fasiotia o ia.+

17 Ua fiafia pea o ia i le malaia,+ o lea na oo mai ai iā te ia;+

E leʻi fiafia foʻi o ia i le faamanuiaga,+

O lea na mamao ai mai iā te ia;+

18 Ua ofu o ia i le malaia e pei o se ofu.+

Ua oo mai e pei o vai iā te ia+

Ua pei foʻi o le suāuu i ona ponaivi.

19 Ia avea lea iā te ia e pei o se ofu ua ia pulupulu ai+

E pei foʻi o se fusi e fusi ai o ia e lē aunoa.+

20 O le taui lenei o lē na teena aʻu mai iā Ieova+

Ma i latou na tautatala i mea leaga faasaga iā te aʻu.+

21 A o oe Ieova e, o le Alii Pule Silisili Ese.+

Ia e alofa mai iā te aʻu ona o lou suafa.+

Auā e lelei lou alofa faamaoni, ia e laveaʻi+ mai iā te aʻu.

22 Auā ua ou puapuagatia ma mativa,+

Ua tuia foʻi loʻu loto i totonu iā te aʻu.+

23 O le a ou alu ese e pei ona mou atu o se ata lafoia;+

Ua lūlūeseina foʻi aʻu e pei o se sē akerise.

24 Ua tetete oʻu tuli mai i le anapogi,+

Ua paee loʻu tino, ua leai se suāuu.+

25 Ua avea aʻu e pei o se mea ua faalumaina iā i latou.+

Ua latou vāai mai iā te aʻu ona lialiaʻi lea o o latou ulu.+

26 Ieova e loʻu Atua, ia e fesoasoani mai iā te aʻu;+

Ia faaola iā te aʻu e tusa ma lou alofa faamaoni.+

27 Ia iloa e i latou o lou aao lenei;+

O oe lava Ieova e, na e faia lenei mea.+

28 Ia tuu pea i latou e fetuu mai,+

A o oe ia e faamanuia mai.+

Ua latou tulaʻi, ae ia e faamāsiasi i latou,+

Ma ia olioli lau auauna.+

29 Ia oofu i latou o ē e tetee mai iā te aʻu i le māsiasi,+

Ia fusia foʻi i latou i lo latou mā e pei o se ofu talaloa.+

30 Ou te matuā faaneenee atu iā Ieova i loʻu gutu,+

Ou te vivii atu foʻi iā te ia i luma o tagata e toʻatele.+

31 Auā e tū o ia i le itu taumatau o le tagata mativa,+

Ina ia faaolaina o ia mai i ē o loo faamasinoina o ia.